კრივოი როგში მომხდარ ტრაგედიასთან დაკავშირებით მიტროპოლიტმა ეფრემმა მიმართვა გააკეთა
უმე-ის კრივოი როგის ეპარქიის ხელმძღვანელმა სარაკეტო თავდასხმის შედეგად დაღუპულთა და დაშავებულთა ოჯახებს მიუსამძიმრა.
კრივოი როგისა და ნიკოპოლის მიტროპოლიტმა ეფრემმა მიმართვა გაავრცელა 2023 წლის 31 ივლისს კრივოი როგზე რუსული არმიის სარაკეტო თავდასხმის შედეგად მომხდარ ტრაგედიასთან დაკავშირებით. ეპისკოპოსის მიმართვა გამოაქვეყნა კრივოი როგის უმე-ს პრესსამსახურმა.
„გამოუთქმელი ტკივილი და წუხილი გამოიწვია ჩემს გულში იმ ტერაქტმა, რომელიც რუსეთმა კვლავ მოაწყო ჩვენს ქალაქში! წერს მიტროპოლიტი. – კრივოი როგის მშვიდობიანი მოსახლეობა ისევ იტანჯება სისხლისმსმელი მტრის სიგიჟის გამო! ისევ იღვრება ქრისტიანული სისხლი!
მეუფეს თქმით, „რაც არ უნდა ძნელი და მწარე იყოს ჩვენთვის იმის გაცნობიერება, თუ რა ბოროტებას სჩადის მზაკვრული მტერი უკრაინის მიწაზე, სასოწარკვეთილებამ არ უნდა მოგვიცვას“.
„პირიქით, იმ დროს, როცა ბოროტმოქმედები ჩვენს მიწაზე საომრად მოვიდნენ, როცა სატანა ამხედრდა ჩვენს წინააღმდეგ, ჩვენი მთავარი იარაღი უნდა იყოს სიმამაცე და ლოცვა“, - ხაზგასმით აღნიშნა მეუფემ. – ბრძენი მეფე სოლომონი გვასწავლის:
,,რისხვაში ნელი მამაცს სჯობია, საკუთარი თავის მმართველი კი ქალაქის ამღებს’’ (იგავ. 16:32). მეოცე საუკუნის ათონელი ასკეტის, სქიმმონაზონი იოსებ ვატოპედელის თქმით, „ჩვენ მარტონი არ ვართ, ღმერთთან ვართ, რომელმაც თავის ლაშქრად შეგვკრიბა“. ჭეშმარიტება ჩვენს მხარეზეა, რაც ნიშნავს, რომ ღმერთი, თავის სიდიადით, თავისი საქმეებით, ჩვენთანაა! და მე მჯერა, რომ ახლოა ჟამი, როცა უფალი „შეიმოსავს აბჯარს - ჭეშმარიტებას და დაიხურავს თავს მუზარადს - სამსჯავროს; აიღებს უძლეველ ფარს - სიწმინდეს; მახვილივით ალესავს ძლიერ რისხვას და მასთან ერთად მსოფლიო აიღებს იარაღს სულელების წინააღმდეგ“ (თავი 5, 18-20)“.
მიტროპოლიტის თქმით, ის ყოველ დღე ღმერთს წყალობას სთხოვს და მტკიცედ სწამს, რომ „ჩვენი ერთობლივი ლოცვა და უკრაინული არმიის ღვაწლი დაამარცხებს ჩვენს მიწაზე მოსულ ბოროტებას“.
მეუფემ მტრის სარაკეტო თავდასხმის შედეგად დაღუპულთა და დაშავებულთა ოჯახებს გულწრფელი თანაგრძნობა გამოუცხადა.
„უფალს შევთხოვ ყველა გარდაცვლილს მიუტევოს ცოდვები და დაუმკვიდროს ცათა სასუფეველი, სადაც მართალნი განისვენებენ. ჩვენ ასევე ვლოცულობთ იმ ადამიანებისთვის, რომლებიც სარაკეტო თავდასხმისგან დაზარალდნენ და ახლა საავადმყოფოებში იმყოფებიან. ღმერთს ვთხოვ, სულიწმიდის მადლით ნუგეშისმცემელი მიანიჭოს ავადმყოფებს და განკურნოს ყველა სნეულება და ჭრილობა“, - აღნიშნა ეპისკოპოსმა.
როგორც მჟკ იუწყებოდა, 2023 წლის 14 ივნისს კრივოი როგისა და ნიკოპოლის მიტროპოლიტმა ეფრემმა კრივოი როგზე სარაკეტო თავდასხმის მიტანის შედეგად დაღუპულთა ხსოვნისადმი მიძღვნილი პანაშვიდი აღასრულა.
