მის უნეტარესს მფარველი ანგელოზის დღესასწაული ადგილობრივი ეკლესიების წინამძღვრებმა მიულოცეს

2023 წლის 25 ივნისს, წმინდა ონუფრი დიდის ხსენების დღეს, მისი უნეტარესი მიტროპოლიტი ონუფრი აღნიშნავს მისი ზეციური მფარველის დღეს, იუწყება news.church.ua.

ამ დღესასწაულთან დაკავშირებით ექვსი ადგილობრივი მართლმადიდებლური ეკლესიის წინამძღვრებმა და იერარქებმა საზღვარგარეთიდან მიულოცეს მის უნეტარეს მიტროპოლიტ ონუფრის.

სრულიად საქართველოს კათოლიკოს-პატრიარქი ილია: „წმიდა ონუფრიმ იზრუნოს თქვენზე ღვთის წინაშე, რათა უფალმა გულუხვად მოგცეთ ძალა ლოცვის, მოთმინების, თავმდაბლობის, სიყვარულის, სიკეთის, სიბრძნის... რაც თქვენ ისედაც გაქვთ. თქვენ დაჯილდოვებული ხართ ყველა ამ მადლით, მაგრამ ის გამოწვევები, რომლებსაც უკრაინა, თქვენ და თქვენი ეკლესია აწყდებით, განსაკუთრებულ ძალისხმევას მოითხოვს. დაე, უფალი დაგეხმაროთ ამ ტვირთის ტარებაში და მოგმადლოთ მშვიდობა!

სერბეთის უწმიდესი პატრიარქი პორფირი: „ჩემი სახელით და სრულიად სერბეთის მართლმადიდებლური ეკლესიის სახელით გიგზავნით გულითად მილოცვებსა და ვლოცულობთ უფლის წინაშე თქვენი მფარველი ანგელოზის, ონუფრი დიდის ხსენების დღესთან დაკავშირებით. ღვთის მადლის ნამის დალევით, რომელსაც ყოვლადკეთილი ღმერთი გულუხვად ასხამს თავის რჩეულებს, ძმური სიყვარულისა და ერთიანობის სულით უფლის სხეულისა და სისხლის ერთადერთ თასში, ჩვენ გულწრფელ ლოცვებს აღვმართავთ წმიდა ონუფრის მიმართ, რათა იგი უფლის წინაშე მუდამ იყოს თქვენი უნეტარესობის შუამავალი, რომ მოგმადლოთ სულიწმიდის მადლი, სულიერი სიმხნევით და სხეულებრივი ძალით მრავალჟამიერ, გონივრულად შეძლოთ ხსნის გემის მართვა იმათთვის, ვინც შეიკრიბა თქვენი არქიპასტორალური ომოფორიონის ქვეშ’’.

უნეტარესი ვარშავისა და სრულიად პოლონეთის მიტროპოლიტი საბა: „გულითადად, ქრისტესმიერი ძმური სიყვარულით, გილოცავთ თქვენი მფარველი ანგელოზის ხსენების დღეს. გისურვებთ ჯანმრთელობას და ყოვლისშემძლე ღვთის შემწეობას, რაც ხელს შეუწყობს თქვენი, როგორც ეკლესიის წინამძღოლის, უკრაინის წმიდა მართლმადიდებლობის დღევანდელი ცხოვრების რთულ პირობებში რთულ სამსახურს“.

სრულიად ამერიკისა და კანადის მიტროპოლიტი, მისი უნეტარესი ტიხონი: „მინდა ვისარგებლო შემთხვევით, მინდა კიდევ ერთხელ დაგარწმუნოთ ჩვენს სიყვარულში ქრისტესმიერო ძმაო, ღვთის წინაშე ლოცვით. ასევე მინდა ხაზი გავუსვა ამერიკის მართლმადიდებლური ეკლესიის მორწმუნეების სიყვარულს უმე-ში მათი ძმებისა და დების მიმართ თქვენი უნეტარესის ომფორიონის ქვეშ. ...იცოდეთ, რომ მე და მთელი მართლმადიდებელი ეკლესია ამერიკაში, შენი უნეტარესის და უმე-ის გვერდით ვართ მწუხარების, ომისა და დევნის დროს და გთხოვთ, მიიღოთ ჩვენი სიყვარული და ჩვენი ლოცვა თქვენი მფარველი ანგელოზის ხსენების დღის მილოცვასთან ერთად“.

მისი უნეტარესი ჩეხეთისა და სლოვაკეთის მიტროპოლიტი როსტისლავი: „თქვენი მფარველი ანგელოზის სახელობის დღე იყოს სულიერი სიხარულის სხივი იმ სიბნელეში, რომელმაც დღეს დაისადგურა. ჩვენს ლოცვებში ყოველთვის ვთხოვთ ღმერთს, გაგაძლიეროთ თქვენ და მთელი უკრაინის მართმადიდებლური ეკლესია ამ „რისხვის, დარდისა და გაჭირვების“ დღეებში (სოფ. 1:15) უფალმა დაგიფაროთ თავისი წყალობითა და სიკეთით - წმიდა ღვთისმშობლის, ბერი ონუფრის, ყველა წმინდანის ლოცვა შეგეწიოთ! ”

უნეტარესი სტეფანე, ოჰრიდისა და მაკედონიის მთავარეპისკოპოსი: „მაკედონიის მართლმადიდებლური ეკლესიის ეპისკოპოსთა წმინდა სინოდის - ოჰრიდის მთავარეპისკოპოსის სახელით, ჩემი სახელით და მთელი ჩვენი ადგილობრივი ეკლესიის სახელით, გილოცავთ ამ დღეს. თქვენი ზეციური მფარველის, წმინდა ონუფრი დიდის ხსენების დღეს. ღმერთმა, იცოდა თქვენი მტკიცე ბუნება, მოგანდოთ ეს ჯვარი, პასუხისმგებლობა და მორჩილება, რომ მართოთ კიევის მიტროპოლია ეკლესიისა და უკრაინის ერთგული ხალხისთვის ამ განსაცდელების ჟამს. თქვენო უნეტარესობავ, გულწრფელად გილოცავთ თქვენი მფარველი ანგელოზის ხსენების დღეს, გისურვებთ ჯანმრთელობას, მშვიდობიან დღეებს და კიდევ მრავალწლიან მსახურებას კიევის საპატრიარქოს ტახტზე, მუდმივად გაძლიერებულს უფლის, ყოვლადწმიდა ღვთისმშობლის და ჩვენი მაცხოვარი იესო ქრისტეს მფარველობით.

მისი უწმიდესი მიტროპოლიტი გაბრიელ ლოვჩანსკი (ბულგარეთის მართლმადიდებლური ეკლესია): ”თქვენ, ძვირფასო მეუფევ, როგორც უმე-ის მთავარმოძღვარი, ერთგულად ემსახურებით ღმერთს და ხალხს მშფოთვარე სამყაროში, მაგრამ ამავე დროს, როგორც წმინდა მამები ამბობენ, რომ უფალი დიდი განსაცდელების დროს დიდ მწყემსებს უგზავნის იმ ერებს, რომლებიც უყვარს. თქვენ, ძვირფასო მეუფევ, თქვენი მსხვერპლშეწირული მსახურებით აჩვენეთ თქვენს ხალხს და მთელ მსოფლიოს, რომ ხართ მწყემსი, რომლის შესახებაც ქრისტემ წმინდა სახარებაში თქვა: ,,კეთილი მწყემსი თავის სულს დადებს ცხვრებისთვის’’. (იოანე 10:11).

უწმინდესი ბაჩის ეპისკოპოსი ირინეი (სერბეთის მართლმადიდებელი ეკლესია): „გულწრფელად გილოცავთ თქვენი მფარველი ანფელოზის ხსენების დღეს, გისურვებთ ჯანმრთელობას და მადლმოსილ ძალას, რათა იმსახუროთ მრავალი წლის განმავლობაში, კეთილდღეობისთვის და სიხარულისთვის არა მარტო უმე-სთვის, არამედ მთელი მსოფლიო წმინდა მართლმადიდებლობისთვის. არ შემიძლია არ ვისარგებლო შემთხვევით და მთელი გულით არ გისურვოთ ახალი მადლით აღსავსე ძალები თქვენს აღმსარებლურ ბრძოლაში წმინდა მართლმადიდებლობის სიწმინდისა და ერთიანობისთვის თქვენს მშობლიურ უკრაინულ მიწაზე და ზოგადად ჩვენს მართლმადიდებლურ სამყაროში“.

როგორც მჟკ-მ ადრე დაწერა, მფარველი ანგელოზის ხსენების დღეს წინამძღვარმა ლიტურგია ფეოფანიაში აღავლინა.