რფ-ს ხელისუფლებამ სიმფეროპოლის საკათედრო ტაძარი ჩამოართვა მეუ-ს და გადასცა რმე-ს

სიმფეროპოლის წმინდა ვლადიმერისა და ოლგას ტაძარს რუსეთის ხელისუფლება რუსეთის მართლმადიდებლურ ეკლესიას გადასცემს, იუწყება ,,ყირიმის რია ნოვოსტი''.

”ყირიმის სახელმწიფო საბჭოს კომიტეტის თავმჯდომარემ ქონებრივ და მიწათმოქმედებაზე” ევგენია დობრინიამ თქვა, რომ ”ეს იქნება სამართლებრივი ურთიერთობები სახელმწიფოსთან, რომლის საფუძველზეც მოხდება ქონების გადაცემა და იგი გამოყენებული იქნება მოქმედი კანონის წესების შესაბამისად."

მისი თქმით, მოხდება შენობის კონფისკაცია, რადგან მეუ-ს არ სურდა იჯარის ხელშეკრულების განახლება რუსეთის კანონმდებლობის შესაბამისად. მეუ-ს ეპარქიის წინამძღვარმა კლიმენტ კუშჩმა რუსული პასპორტი აიღო, თუმცა ტაძრის დოკუმენტების ხელახლა გაცემაზე უარი თქვა.

როგორც რესურსი წერს, „2023 წლის 11 მაისს ფედერალური აღმასრულებელი სამსახურის თანამშრომლებმა კანონი აღასრულეს. ტაძარში არსებული მთელი ქონების ინვენტარიზაცია მოხდა. რმე-ს ჯერ არ უთქვამს, თუ როგორ აპირებენ მეუ-ს ტაძრის გამოყენებას.

„მათ პირობა დადეს, რომ ყველა იურიდიული პროცედურის დასრულების შემდეგ გაასაჯაროებენ, თუ როგორ გამოიყენებენ შენობას“, - ნათქვამია ანგარიშში.

მანამდე მჟკ წერდა, რომ ქსელში მეუ-ს ,,იერარქს’’ რუსული პასპორტი შეახსენეს.