უმე-ის იერარქი: ლავრის კულტურის სამინისტროსთვის გადაცემაზე საუბარი ფიქცია და სპეკულაციაა

უმე-ის სინოდალური საინფორმაციო-საგანმანათლებლო დეპარტამენტის თავმჯდომარემ, ნიჟინისა და პრილუკიის მიტროპოლიტმა კლიმენტმა უარყო ინფორმაცია, რომ კიევ-პეჩორის ლავრა კულტურის სამინისტროს გადაეცა. ამის შესახებ მან გამოცემა "Strana.ua"-ს განუცხადა. მისი თქმით, პრესაში ყველა საუბარი მინისტრთა კომისიის მუშაობის ირგვლივ, ისევე როგორც თავად კულტურის მინისტრის განცხადებები, არის ფიქცია და სპეკულაცია და ისაუბრა კომისიის მუშაობის მიმდინარეობაზე.

„რამდენიმე კვირაა, ლავრაში ხალხი დადის, რომლებიც კამერის წინ თავს მინისტრთა კომისიას უწოდებენ. ათვალიერებენ შენობებს, უღებენ სურათებს მობილურით. მაგრამ არავითარი ქმედება, რომელიც შეიძლება ჩაითვალოს ერთი ორგანიზაციის ბალანსიდან მეორის ბალანსზე ქონების მიღებისა და გადაცემის პროცესად, არავის განუხორციელებია და არც გეგმავს. როგორც მონასტრის, ასევე ეროვნული ნაკრძალის წარმომადგენლებს შორის არანაირი დოკუმენტი არ გაუფორმებიათ. კულტურის სამინისტროს არანაირი პრეტენზია, კომენტარი არ გაუკეთებია, პირიქით, ჩინოვნიკები ადიდებენ ბერებს და სასულიერო აკადემიის ხელმძღვანელობას ისტორიული შენობების კარგად მოვლისთვის“, - განაცხადა უმე-ის იერარქმა.

მიტროპოლიტმა კლიმენტმა თქვა, რომ მონასტერში ცხოვრება არ შეცვლილა, კიევ-პეჩორის ლავრის ძმები აგრძელებენ ცხოვრებას თავიანთ საცხოვრებელში, კსას-ს სემინარიელები სწავლობენ როგორც ადრე. ტაძრებში ღვთისმსახურება გრძელდება.

როგორც მჟკ იტყობინება, 2023 წლის 2 მაისს კულტურის სამინისტროს ტელეგრამის არხზე გამოჩნდა ინფორმაცია, რომ კულტურის სამინისტროს კომისიამ „ნაკრძალის სარგებლობაში გადასცა კიევ-პეჩორის ლავრის 16 შენობა“.