უნეტარესმა ისურვა ისეთივე სიმამაცე, როგორიც მენელსაცხებლე დედებს ჰქონდათ

2023 წლის 30 აპრილს წმინდა მენელსაცხებლე დედათა ხსენების დღეს უნეტარესმა მიტროპოლიტმა ონოფრემ თავის ქადაგებაში თქვა, რომ ეს დღე ქრისტიანულად ქალთა დღედ ითვლება და ისურვა, რომ  წმინდა მენელსაცხებლე დედებივით მამაცები იყვნენ, იუწყება news.church.ua.

„ამ დღეს ჩვენ ვზეიმობთ იმ წმინდა დედათა ხსენებას, რომლებიც სულით და ხორცით წმინდა იყვნენ, რომლებიც ღმერთს მსახურობდნენ, ღმერთი უყვარდათ, ღვთის სჯულს აღასრულებდნენ. ამ სჯულს ისინი თავიანთ ოჯახებში ავრცელებდნენ, მეგობრებს უზიარებდნენ და ასწავლიდნენ მათ. ეს იყო მათი მსახურება“, - აღნიშნა უმე-ს წინამძღვარმა.

უმეტარესის სიტყვებით, დღემდე „ჩვენ გაოცებულები ვართ წმინდა მენელსაცხებლე დედათა სიმამაცით და გმირობით“.

როდესაც მაცხოვარი ჯვარზე იყო გაკრული, მოციქულები, თითქოს უფრო მამაცები, ძლიერები, იუდეველთა შიშით, მიიმალნენ, ხოლო წმინდა მენელსაცხებლე დედები მედგრად იდგნენ მაცხოვრის წინ და უყურებდნენ, როგორ იტანჯება უფალი, რომ კაცობრიობა ცოდვით დაცემისგან იხსნას“, - დაამატა უნეტარესმა. 

წინამძღვარმა ხაზი გაუსვა, რომ, მენელსაცხებლე დედათა დიდებისას წმინდა ეკლესია იხსენიებს აგრეთვე წმინდა იოსებს ნიკოდიმოსთან ერთად - ქრისტეს ფარულ მოწაფეებს.

„წმინდა მენელსაცხებლე დედები, წმინდა მოციქულები, წმინდა იოსებ არიმათიელი და ნიკოდიმოსი ჩვენთვის სულიერი სიბრძნის მაგალითებს წარმოადგენენ“, - თქვა მღვდელმთავარმა.

„წმინდა მენელსაცხებლე დედათა, წმინდა მართალ იოსებ არიმათიელის, ნიკოდიმოსის ლოცვით, ყველა მოციქულის ლოცვით, ყველასი, ვისაც ქრისტე უყვარს, ვისაც ქრისტე უყვარდა, ვინც ქრისტეს ერთგული მოწაფე იყო მისი ამქვეყნიური ცხოვრების ყველა გარემოებაში შეგვეწიოს უფალი, ძვირფასო ძმებო და დებო, რომ მამაცნი ვიყოთ განსაცდელებში, რომლებიც ამქვეყნად ღვთის მიერ არის დაშვებული“, - ისურვა უნეტარესმა ონოფრემ.

როგორც მანამდე მჟკ იუწყებოდა, უმე-ს წინამძღვარი: განსაცდელებმა უფლის სიყვარულს არ უნდა დაგვაშორონ.