უმე-ს წინამძღვარმა დიდი შაბათის ლიტურგია კიევ-პეჩორის ლავრაში აღავლინა

2023 წლის 15 აპრილს, დიდ შაბათს, მისმა უნეტარესმა მიტროპოლიტმა ონუფრიმ კიევ-პეჩორის ლავრის ღირსი აღაპიტ პეჩორელის  ტაძარში საღმრთო ლიტურგია აღავლინა, იუწყება news.church.ua.

უკრაინის მართლმადიდებელი ეკლესიის მეთაურს ემსახურებოდნენ ბორისპილისა და ბროვარსკის მიტროპოლიტი ანტონი, ირპენის ეპისკოპოსი, ბოროდიანის ეპისკოპოსი მარკოზი და მონასტრის სამღვდელოება.

წმინდა სახარების წაკითხვის შემდეგ ნეტარმა მრევლს ქადაგების სიტყვებით მიმართა.

ლიტურგიის დროს მათ უფალს შესთხოვეს უკრაინის მიწაზე მშვიდობა.

მისმა უნეტარესმა მიტროპოლიტმა ონუფრიმ სერგეი ვასილჩენკო აკურთხა დიაკვნად. ახალი დიაკვანი ფასოვოს ღვთისმშობლის ხატის „მსწრაფშემსმენელის“ სახელობის მონასტერში მსახურებას განახორციელებს.

წირვის დასასრულს, საეკლესიო ტრადიციის თანახმად, წინამძღვარმა პური და ღვინო აკურთხა.

ნეტარმა მაცხოვრის სამოსელს თაყვანი სცა და სამწყსოს კურთხეული შაბათი და ქრისტეს წმიდა აღდგომის მომავალი დღესასწაული მიულოცა.

მჟკ-მ გამოაქვეყნა მისი უნეტარესის მიტროპოლიტი ონუფრის სააღდგომო ეპისტოლე.