სმე-ის იერარქი: უკრაინის ხელისუფლება დევნის უმე-ს და ადამიანის უფლებებს თელავს
უმე-ს დევნიან, იმიტომ რომ ის უარს ამბობს გახდეს იმ ნაციონალისტური წარმონაქმნის წევრი, რომელიც ცნობილია როგორც მეუ, აღნიშნა სმე-ის იერარქმა.
ავსტრალიისა და ახალი ზელანდიის ეპისკოპოსმა სილუანემ (სერბეთის მართლმადიდებელი ეკლესია) მიმართა ავსტრალიის ხელისუფლებას და განაცხადა, რომ უკრაინის ხელისუფლება სდევნის უმე-ს და ადამიანის უფლებებს თელავს, იუწყება soc.org.au.
სერბეთის ეკლესიის იერარქი საუბრობდა უძველესი სავანიდან კიევ-პეჩერის ლავრის საძმოს გამოსახლების მიზეზებზე.
„ამ დევნის მიზეზი მდგომარეობს იმაში, რომ უმე უარს ამბობს დაემორჩილოს პოლიტიკას და ნაწილი გახდეს სახელმწიფოს მიერ თავსმოხვეული იმ ნაციონალისტური წარმონაქმნისა, რომელიც ცნობილია როგორც მეუ“, - აღნიშნა სმე-ის იერარქმა.
„ზემოთხსენებული ლავრის ბერების დევნა სინამდვილეში ნაციონალისტური ხანძრის ნაწილს წარმოადგენს, რომელიც პოლიტიკურად გაჩაღებული და გაღვივებულია უკრაინის მთავრობის მიერ კიევში“, - დაამატა მან.
ეპისკოპოსი სილუანე საუბრობდა იმის შესახებ, რომ კიევის ხელისუფლება და საერთაშორისო ორგანიზაციები მალავენ ბერების მძიმე მდგომარეობას და მან ავსტრალიის პრემიერ-მინისტრს მოუწოდა მოთხოვოს უკრაინის ხელისუფლებას „პატივი სცეს და დაიცვას დემოკრატიული უფლებები, რელიგიური თავისუფლება და სინდისის თავისუფლება, განსაკუთრებით უკრაინის, კიევის, კიევ-პეჩერის ლავრის და უმე-ს ბერებთან მიმართებით“.
როგორც მანამდე მჟკ იუწყებოდა, სერბეთის ეპისკოპოსმა მიმართა ხორვატიის ხელისუფლებას უმე-ს დაცვის თხოვნით.
