რომის პაპმა მოუწოდა რკე-ში ილოცონ სექსუალური ძალადობის მსხვერპლთათვის
პონტიფიკმა აღნიშნა, რომ რკე-მ უნდა ითხოვოს პატიება სექსუალური ძალადობის მსხვერპლთაგან და არ დამალოს მსგავსი შემთხვევები.
რომის პაპმა ფრანცისკემ მოუწოდა ილოცონ მათთვის, ვინც კათოლიკური თემის წევრების მავნე ქმედებების გამო სექსუალური ძალადობისგან დაიტანჯა. ამის შესახებ მან ვატიკანის პრესსამსახურის მიერ გამოქვეყნებულ განცხადებაში განაცხადა.
რკე-ის ხელმძღვანელის თქმით, ეკლესიამ უნდა მიიღოს კონკრეტული ქმედებები ძალადობის მსხვერპლთა ტკივილისა და ფსიქოლოგიური ტრავმის განსაკურნებლად.
პონტიფმა ასევე აღნიშნა, რომ სწორედ ეკლესიამ უნდა უზრუნველყოს მხარდაჭერა და დაიცვას თავისი მრევლი რკე-ის მიერ შესაძლო „შეურაცხყოფისგან“.
„ეკლესია არ უნდა ცდილობდეს რაიმე სახის ძალადობის ტრაგედიის დამალვას. ასევე არ უნდა დამალოს სასტიკი მოპყრობა ოჯახებში, კლუბებში და სხვა ტიპის დაწესებულებებში. ეკლესია უნდა იყოს მაგალითი ამ პრობლემების გადაჭრასა და გამოვლენაში, როგორც საზოგადოებაში, ასევე ოჯახებში. სწორედ ეკლესიამ უნდა უზრუნველყოს უსაფრთხო სივრცე მსხვერპლთა მოსასმენად, ფსიქოლოგიური მხარდაჭერისა და დასაცავად“, - განაცხადა მან.
როგორც მჟკ იტყობინება, პორტუგალიაში 4000-ზე მეტ ბავშვი გახდა სექსუალური ძალადობის მსხვერპლი რკე-ის სასულიერო პირების მიერ.
