ბახმუტში, უმე-ის მღვდელმა, სიცოცხლის რისკის ფასად, ასობით ადამიანი გადაარჩინა

უკრაინის მართლმადიდებელი ეკლესიის წმინდა გიორგის სახელობის ტაძრის იღუმენი ქალაქ ბახმუტში (სტუპკას სადგური), დეკანოზი ალექსეი პოლჩენკო არ წასულა ტაძრიდან, რომელიც საომარი მოქმედებების ეპიცენტრში იყო და ასობით ადამიანი გადაარჩინა. ამის შესახებ ინფორმაციას უკრაინის მართლმადიდებელი ეკლესიის საინფორმაციო-საგანმანათლებლო დეპარტამენტი bahmut.in.ua-ზე ბმულით ავრცელებს.

„მან თქვა, რომ სხვანაირად არ შეეძლო, რადგან მისი მრევლი აქ იყო, 15 წელი მსახურობდა ეკლესიაში“, - განუცხადა გამოცემას მოხალისე ქალმა, რომელიც მღვდელს ეხმარებოდა. - ხალხის გულისთვის დარჩა, თუმცა რამდენჯერმე ჰქონდა წასვლის საშუალება. მან გადაწყვიტა წასულიყოასეთ რისკზე, არაერთხელ მოხვდა ცეცხლის ქვეშ, მაგრამ ღმერთმა თავისი კეთილი გულითა და განზრახვით გადაარჩინა“.

რუსეთის აგრესიის პერიოდში წმინდა გიორგის ეკლესიას 200-მდე ადამიანმა შეაფარა თავი.

„ზოგი მოვიდა, ნაწილი წავიდა აქედან. წითელი ჯვრის მოხალისეები ძალიან დაეხმარნენ, პოლონეთში გენერატორებისთვის ფული შევაგროვეთ, მერიც დაეხმარა. სკოლიდან ხალიჩები წაიღეს, რომ ხალხს დაძინების საშუალება ჰქონოდა, ღუმელიც იყო, ხალხისთვის საჭმელს ამზადევდნენ. მამა ალექსეი შეძლებისდაგვარად ცდილობდა რთულ მომენტებში კარგი პირობები შეექმნა მათთვის. ერთ დღეში ტაძრის ტერიტორიაზე 20 საჰაერო დარტყმა ხორციელდებოდა, მაგრამ მსხვერპლი არ ყოფილა“, - თქვა მოხალისემ.

მისი თქმით, მღვდელმა ცეცხლის ქვეშ მოახდინა ხალხის ევაკუაცია თავისი მანქანით. მას ბოლოს 20 თებერვალს დაუკავშირდნენ, როცა ბავშვებთან ერთად ოჯახი სლავიანსკში მიჰყავდა. ამის შემდეგ რუსმა სამხედროებმა მამა ალექსეი და წმინდა გიორგის ეკლესიის მრევლის ნაწილი (დაახლოებით 15 კაცი) დროებით ოკუპირებულ ტერიტორიაზე წაიყვანეს. მათთან დაკავშირება ჯერ კიდევ შეუძლებელია.

როგორც მჟკ იტყობინება, უმე-ის მღვდლებმა ფრონტის ხაზის ქალაქებში სევერსკსა და ჩასოვ იარში ცეცხლის ქვეშ დაარიგეს კიევისა და ბორისპოლის ეპარქიებში შეგროვებული ჰუმანიტარული დახმარება.