ვატიკანში ღელავენ უმე-ზე ხელისუფლების ზეწოლის გამო
სსკგ-მ მოახსენა პაპს უმე-ზე ხელისუფლების ზეწოლის შესახებ.
ვატიკანის წარმომადგენლები ღელავენ რადის კანონპროექტების გამო, რომლებიც მიმართულია უკრაინის მართლმადიდებელი ეკლესიის წინააღმდეგ. ამის შესახებ იუწყებოდნენ უმე-ს საგარეო საეკლესიო კავშირების განყოფილებაში დეკანოზ ნიკოლაი დანილევიჩისა და რომის პაპის ფრანცისკეს შეხვედრის შემდეგ.
ვიზიტის დროს, სსკგ-ის ხელმძღვანელის მოადგილემ პაპს და ვატიკანის სახელმწიფო სამდივნოს მიაწოდა ინფორმაცია უკრაინის ხელისუფლების მცდელობებზე, რომ უმე-მ შეწყვიტოს მოღვაწეობა უკრაინაში.
„პაპს და ვატიკანის სახელმწიფო სამდივნოს ხელმძღვანელობას მიაწოდეს ინფორმაცია უკრაინის პარლამენტში უკანასკნელი საკანონმდებლო ინიციატივების შესახებ, რომლებიც ფაქტიურად მიმართულია უმე-ს მისამართით შემზღუდველი ზომების შემოღებისა და მისი შემდგომი მოღვაწეობის შეწყვეტაზე, რაც ეწინააღმდეგება უკრაინის კონსტიტუციას და საერთაშორისო სამართალს“, - აღნიშნეს სსკგ-ში.
თანახმად უწყებისა, ვატიკანის წარმომადგენლებმა დაგმეს ნებისმიერი დევნა რელიგიურ ნიადაგზე და ყველა კონფესიას თანამშრომლობისკენ მოუწოდეს.
დეკანოზმა ნიკოლაი დანილევიჩმა პაპს მადლობა გადაუხადა იმისთვის, რომ კათოლიკურმა ეკლესიამ დაუთმო სატაძრო შენობები ევროპაში უკრაინულ მართლმადიდებლურ საძმოებს, რომლებიც აქტიურად იქმნება უკრაინელთა მასიური ემიგრაციის ფონზე.
როგორც მჟკ იუწყებოდა, 25 იანვარს პაპი ფრანცისკე შეხვდა ვატიკანში სრულიად უკრაინის ეკლესიათა საბჭოსა და რელიგიური ორგანიზაციების დელეგატებს.
