იერუსალიმის საპატრიარქომ ემე-ს მოუწოდა, რომ არ დაარღვიოს მისი იურისდიქციის საზღვრები

იერუსალიმის პატრიარქმა თეოფილე III ელადის მართლმადიდებელი ეკლესიის მეთაურს, არქიეპისკოპოს იერონიმე II-ს გაუგზავნა წერილი, სადაც პრეტენზიები გამოთქვა ემე-ის მიტროპოლიტის ნიკოლოზის (ხაჯინიკოლაუ) ქცევის გამო სინას წმინდა ეკატერინეს მონასტერში, რომელიც იერუსალიმის საპატრიარქოს კანონიკურ ტერიტორიაზე მდებარეობს.

„საღმრთო ლიტურგია წმინდა ეკატერინეს დღესასწაულზე წელს ჩვენი ნებართვის გარეშე მისმა მაღალყოვლადუსამღვდელოდებამ მესოგეისა და ლავრეოტიკიის მიტროპოლიტმა ნიკოლოზმა ჩაატარა და საღმრთო ლიტურგიაზე, ეტყობა, რაღაც გაუგებრობით, იხსენიებდა ელადის ეკლესიის წმინდა სინოდს და სინას არქიეპისკოპოს დამიანეს, იერუსალიმის პატრიარქის მოხსენიების გარეშე - ძველ საპატრიარქოებში არსებული ლიტურგიკული და კანონიკური წესის საწინააღმდეგოდ“, - ნათქვამია წერილში.

პატრიარქმა ხაზი გაუსვა, რომ სინას სავანეს ავტონომიური სტატუსი გააჩნია, თუმცა „მონასტრის ავტონომია არ გამორიცხავს იმ ფაქტს, რომ მონასტერი არსებობს არა რომელიმე აბსტრაქტულ მდგომარეობაში, არამედ კანონიკურ ტერიტორიაზე, იერუსალიმის საპატრიარქოს იურისდიქციის ქვეშ“.

თეოფილე III აღნიშნა, რომ „ბოლო დროს გაჩნდა პრობლემა: იერუსალიმის საპატრიარქოს გაფრთხილების გარეშე, სინას მამების მიერ სხვა საეკლესიო იურისდიქციებიდან იერარქების მოწვევა საღმრთო ევქარისტიის ჩატარების მიზნით წმინდა მონასტერში, განსაკუთრებით კი წმინდა ეკატერინეს დღესასწაულზე“.

„ყოველ წელს ჩვენ ამ დღესასწაულზე ვაგზავნით დელეგაციას და არ ვიცით, სხვა ეკლესიების რომელ იერარქებს შევხვდებით იქ, ამგვარად, ჩვენი წარმომადგენლები ხდებიან კანონიკური წესის დარღვევის მოწმეები“, - საყვედური გამოთქვა პატრიარქმა.

მან ემე-ის მეთაურს თხოვა „ურჩიოს ელადის ეკლესიის მღვდელმთავრებს, როდესაც ისინი მოისურვებენ საღმრთო ლიტურგიის ჩატარებას სინას ღვთიური მთის წმინდა მონასტერში, შეატყობინონ იერუსალიმის საპატრიარქოს“.

როგორც მჟკ იუწყებოდა, 2019 წლის ოქტომბერში ელადის მართლმადიდებელმა ეკლესიამ დაადასტურა, რომ კონსტანტინოპოლის საპატრიარქოს ავტოკეფალიის მინიჭების უფლება აქვს და აღიარა მეუ.