უსს: მოქალაქეებს არ შეუძლიათ თვითნებურად აირჩიონ მათი ეკლესიის სახელწოდება
კს მოსამართლის აზრით, აღმსარებლობის უფლება ისეთი აბსოლუტური არ არის, როგორც სიცოცხლისა და ადამიანური ღირსების უფლება და კონსტიტუციით აქ შეზღუდვების შემოღება დაშვებულია.
სერგეი გოლოვატმა - უკრაინის კანონმდებლობის 12 სტატიის „სინდისისა და რელიგიური ორგანიზაციების თავისუფლების შესახებ“ ერთ-ერთმა მოსამართლე-მომხსენებელმა განაცხადა, რომ მოქალაქეები, რომლებიც გაერთიანებულები არიან რელიგიურ ორგანიზაციაში, თვითნებურად ვერ შეცვლიან მის სახელწოდებას. ამის შესახებ მან საკონსტიტუციო სასამართლოს ბრიფინგზე განაცხადა.
„რელიგიური გაერთიანების სახელწოდება ადეკვატურად უნდა ასახავდეს რელიგიური ორგანიზაციის ბუნებას და ძირითად სტატუსს, წესდების ნორმები ფორმულირებული უნდა იყოს კონსტიტუციისა და კანონების აკრძალვებისა და შეზღუდვების გათვალისწინებით. ჩვენ ვთვლით, რომ ჩარევა გამართლებულია“, - აღნიშნა გოლოვატმა.
მოსამართლე თქვა, რომ სს 2022 წლის 27 დეკემბრის გადაწყვეტილების მიღებისას მოსამართლეები ითვალისწინებდნენ იმას, რომ კონსტიტუციის 35 სტატია, რომელიც აღმსარებლობის თავისუფლების უფლების გარანტიაა, წარმოადგენს ინდივიდუალურ უფლებას და ის განსხვავდება რელიგიური ორგანიზაციების მიერ თავიანთი საქმიანობის წარმოების უფლებისგან.
„ეს ნიშნავს, რომ აღმსარებლობის უფლება ეკუთვნის ადამიანს, ხოლო მისი რეალიზების უფლება ეკუთვნის მოქალაქეთა შესაბამის გაერთიანებებს და რელიგიურ ორგანიზაციებს“, - ხაზი გაუსვა მან.
გოლოვატმა განაცხადა, რომ აღმსარებლობის თავისუფლება აბსოლუტური არ არის, როგორც სიცოცხლისა და ადამიანური ღირსების უფლება და კონსტიტუცია აქ შეზღუდვების შემიღებას უშვებს. მისი სიტყვებით, ამ საკითხში არის შინაგანი ასპექტი - როდესაც ადამიანი თავისუფალია ნებისმიერი რელიგიის აღმსარებლობაში და აქ სახელმწიფო ვერ ჩაერევა, ხოლო გარეგანი ასპექტი - რელიგიური საქმიანობის წარმართვის ფორმა. ამ შემთხვევაში სახელმწიფოს აქვს საშუალება ჩაერიოს და გარკვეული ვალდებულებები დააკისროს რელიგიურ ორგანიზაციებს.
ბრიფინგის დროს მოსამართლემ არაერთხელ აღნიშნა, რომ გადაწყვეტილება ამ საქმესთან დაკავშირებით განპირობებულია საგანგებო სიტუაციითაც, რომელიც შეიქმნა რუსეთის უკრაინაზე თავდასხმის შედეგად.
როგორც მჟკ იუწყებოდა, უკრაინის საკონსტიტუციო სასამართლოს ბრიფინგზე მოსამართლე ალექსანდრე პეტრიშინმა განაცხადა, რომ კანონში, რომელიც 27 დეკემბერს უსს-მ უფლებამოსილად ცნო, არანაირად ნახსენები არ არის რომელიმე კონკრეტული რელიგიური ორგანიზაცია, რომლის სახელწოდება აუცილებლად უნდა შეიცვალოს.
