უმე-ს მღვდელი: „95-ე კვარტალმა“ დაამცირა ჩვენი ეკლესიის მრევლი მთელს მსოფლიოში

დეკანოზმა ალექსანდრე კლიმენკომ განაცხადა, რომ უკრაინის მართლმადიდებლური ეკლესიის დევნა, რომელიც ბოლო დროს გამძაფრდა, ქვეყნის ხელმძღვანელობის გარეშე არ შეიძლებოდა მომხდარიყო. ამის შესახებ მან 2022 წლის 15 დეკემბერს კიევ-პეჩორის ლავრაში გამართულ პრესკონფერენციაზე, რომელიც ეძღვნებოდა ეკლესიის დევნას, შესვლამდე განაცხადა.

„ყველას გვახსოვს ომის პირველი თვეები, როცა ყველას ძალიან გვიჭირდა და ყველას ახსოვს, როგორ ვეხმარებოდით გაჭირვებულებს და გვეხმარებოდნენ ევროპის ქრისტიანული ორგანიზაციები. <...> ამ მხრივ, მე მაინტერესებს როგორ იმოქმედებს "95 კვარტალთან" დაკავშირებული სიტუაცია  უკრაინის იმიჯზე, რომელსაც მხარი დაუჭირა ბევრმა ქრისტიანულმა საზოგადოებამ საზღვარგარეთიდან - გერმანელმა კათოლიკეებმა, ასევე პროტესტანტებმა, - აღნიშნა მღვდელმა.

„ჩვენს ლტოლვილებს, რომლებიც ახლა ბევრია საზღვარგარეთ, ექცევიან, როგორც ერთი რელიგიური ტრადიციით გაერთიანებულ ადამიანებს. გვიღებენ, გვეხმარებიან, გვაძლევენ შესაძლებლობას ვიცხოვროთ უფასოდ, რადგან ხედავენ ჩვენს უბედურებას, რომ ჩვენთვის გამოცხადებული ომი გვტანჯავს. აქ კი უცებ აჩვენებენ, თუ როგორ ამცირებს ქვეყნის უმაღლეს ხელმძღვანელობასთან დაკავშირებული იუმორისტული პროგრამა ყველა ქრისტიანს - როგორც აშშ-ში მცხოვრებს, ისე სხვა ქვეყნებში მცხოვრებს. თითოეულ მათგანს ეს ორი ადამიანი "95 კვარტალიდან" ეუბნება: "ჩვენ შეგვიძლია დავცინოთ თქვენს რწმენას", - დასძინა მამა ალექსანდრემ.

მამაომ ხაზგასმით აღნიშნა, რომ გაუგებარია, როგორ მოიქცევიან ახლა სხვა ქვეყნები უკრაინასთან მიმართებაში და ეს ძალიან მნიშვნელოვანია, რადგან ეკლესია დახმარებას უცხოური ქრისტიანული ორგანიზაციებისგან იღებს.

"ზემოდან ,,ფას’’ ბრძანების გარეშე, ეს არ მოხდებოდა", - თვლის მღვდელი.

მამა ალექსანდრემ გაიხსენა, რომ ომის დაწყებიდან ძალაუფლების ყველა ვერტიკალს და მედიას ესმოდა თეზისები: "უკრაინაში რუსული ეკლესიები არ არის", "უმე არ არის რუსული მართლმადიდებლური ეკლესია", "უმე თავის ხალხთანაა". “ და ასე შემდეგ და ფაქტიურად ბოლო თვეში რადიკალურად შეიცვალა მასმედიის და ოფიციალური პირების რიტორიკა.

მანამდე მჟკ იუწყებოდა, რომ კიევ-პეჩორის ლავრაში გაიმართა კონფერენცია, რომელიც მიეძღვნა ეკლესიის ჩაგვრის საკითხებს.