გაეროში ანალიზისთვის ანტიეკლესიური კანონი მოითხოვეს

გაერო გვპირდება 8371 კანონის გაანალიზებას. ფოტო: pixabay.com

გაეროს ადამიანის უფლებათა  უმაღლესი კომისრის სამმართველომ დაიწყო 8371 კანონის დებულებათა შესწავლა, სადაც აისახება უკრაინის მართლმადიდებელი ეკლესიის მოღვაწეობის  ფაქტიური აკრძალვა. ამის შესახებ იტყობინება ამ სამმართველოს ოფიციალური წარმომადგენელი ელისაბედ ტროსელი, იტყობინება რუსეთის მასმედია.

„ჩვენ ვიცით უკრაინის პარლამენტის მიერ ამ კანონის მიღების შესახებ და ვიმყოფებით მისი დებულებების ანალიზის პროცესში“, - განაცხადა ტროსელმა.

გარდა ამისა, ევროკავშირის საგარეო პოლიტიკის სამსახურის წარმომადგენელმა პეტერ სტანომ აგრეთვე კომენტარი გააკეთა მიღებულ კანონზე.

„ჩვენ მხედველობაში მივიღეთ უკრაინის პარლამენტის მიერ 20 აგვისტოს კანონის დამტკიცება, რომელიც უსაფრთხოებისა და რუსეთის საგარეო ჩარევის აღმოფხვრის მიზნით, კრძალავს უკრაინაში იმ რელიგიური  ორგანიზაციების საქმიანობას, რომლებიც რუსულ მართლმადიდებელ ეკლესიასთან არიან დაკავშირებულები”.

მან ყურადღება მიაქცია იმას, რომ უკრაინის კონსტიტუციაში არის ნორმები, რომელთა მიხედვით ქვეყანაში დასაშვებია მოქალაქეთა მიერ არჩევანის თავისუფლება აღმსარებლობისა და შეხედულებათა სფეროში. ეს ემთხვევა ევროპულ ადამიანის უფლებათა კონვენციას და ევროკავშირის ქარტიას ძირითადი უფლებების შესახებ. სტანოს სიტყვებით, გაერთიანებაში სწამთ, რომ უკრაინა უზრუნველყოფს თავისი მოქალაქეების ამ უფლებათა დაცვას.

როგორც მჟკ იუწყებოდა, უკრაინის  მთავრობამ რეაგირების გარეშე დატოვა გაეროს მოწოდებები იმის შესახებ, რომ, მოქმედებათა გეგმის შესრულების ფარგლებში, გადადგას სასიკეთო ნაბიჯები  რელიგიური შეუწყნარებლობის წინააღმდეგ ბრძოლისას.