პოლიციას დაევალა მორწმუნეებისთვის ლავრასთან მისვლა მაქსიმალურად გაართულონ, - ინსაიდერი

ძალოვანი სტრუქტურის წარმომადგენელი ერთ-ერთ ბლოკ -პოსტზე. ფოტო: konkurent.ua

სამართალდამცავი ორგანოს თანამშრომლებს, რომლებიც საგუშაგოებზე მსახურობენ, დაევალათ გაართულონ უმე-ის მორწმუნეების კიევ-პეჩერის ლავრის მოსალოცად ჩამოსვლა. ამის შესახებ ცნობილი გახდა დახურულ ჩატში მიმოწერიდან, რომელიც სოციალურ ქსელებში ქვეყნდება.

კერძოდ, ყველა ავტობუსი, რომელიც რეგიონებიდან კიევ-პეჩერის ლავრაში მოსალოცად ჩამოიყვანს უმე-ის მორწმუნეებს, შემოწმდება ქურდობაზე, ასევე ფეთქებადი საგნების, საბრძოლო მასალისა და იარაღის არსებობაზე.

პოლიციას ასევე დაევალა ეკლესიის მრევლი თავად შეემოწმებინა „პლანშეტებში ყველა ბაზაზე და აქვთ თუ არა დოკუმენტები“.

„სამუშაო ისე უნდა ჩავატაროთ, რომ მრევლს აღარ გაუჩნდეს ლავრაში წასვლის სურვილი! <...> მორწმუნეთა გადაადგილებასთან დაკავშირებული ყველა შემთხვევა დაუყოვნებლივ შეატყობინეთ ამ ჯგუფს“, - აღნიშნა გზავნილის ავტორმა.

ამასთან, სამართალდამცავები ამოწმებენ არასრულწლოვანთა ავტობუსებსაც: „ავტობუსი, რომელსაც გადაჰყავს მცირეწლოვანი ბავშვები, თუნდაც ლავრაში ექსკურსიაზე მიდიოდნენ, უნდა შეამოწმონ ზედაპირულად, პრეცედენტებისა და კონფლიქტური სიტუაციების შექმნის გარეშე“.

ამავდროულად, ობუხოვის მთავარეპისკოპოსმა იონამ (ჩერეპანოვმა) განაცხადა, რომ SBU-მ უკვე დაიწყო რეგიონებიდან კიევ-პეჩერის ლავრაში ავტობუსების გამგზავრების ბლოკირება.

„დასავლეთ უკრაინის ერთ-ერთ ქალაქში SBU-მ დაბლოკა მომლოცველების ლავრაში გამგზავრება. ავტობუსი უკვე დაქირავებულია, მაგრამ არ დაუშვეს“, - წერს იერარქი გამოცემის კომენტარში.

როგორც მჟკ იტყობინება, მიტროპოლიტმა პავლემ მოუწოდა უმე-ის მორწმუნეებს მისულიყვნენ ლავრაში, რათა ლოცვით დაეცვათ მონასტერი მიტაცებისგან.

მჟკ-მ ასევე დაწერა, რომ უმე გააძევეს კიევ-პეჩერის ლავრიდან.