კრემლის სპიკერი: პონტიფიკის ვიზიტი მოსკოვში არ განიხილება

რომის პაპის შესაძლო ვიზიტი რუსეთში და მისი შეხვედრა ვლადიმერ პუტინთან ამჟამად არ განიხილება. ამის შესახებ კრემლის პრესსპიკერმა დიმიტრი პესკოვმა ჟურნალისტების შეკითხვას უპასუხა პუტინის მზადყოფნის შესახებ პონტიფიკთან შეხვედრისთვის, იუწყება ინტერფაქსი.

„ასეთი ვიზიტი უმაღლეს დონეზე განხილვას საჭიროებს, უნდა მომზადდეს, მაგრამ, რამდენადაც ვიცი, ამ საკითხზე არსებითი კონტაქტები ამჟამად არ არსებობს“, - განაცხადა პესკოვმა.

შეგახსენებთ, რომის პაპმა განაცხადა, რომ უახლოეს მომავალში, კანადაში მოგზაურობის შემდეგ, მოსკოვსა და კიევში ვიზიტს გეგმავს.