ზელენსკიმ ხელი მოაწერა კანონს სტამბულის კონვენციის რატიფიკაციის შესახებ
უკრაინის პრეზიდენტის თქმით, სტამბულის კონვენციის რატიფიცირება მიზნად ისახავს ქალების დაცვას ძალადობისა და დისკრიმინაციისგან.
უკრაინის პრეზიდენტმა ვლადიმირ ზელენსკიმ ხელი მოაწერა კანონს სტამბულის კონვენციის რატიფიკაციის შესახებ. ამის შესახებ სახელმწიფოს მეთაურმა ინსტაგრამზე განაცხადა.
„ხელმოწერილია! კანონი სტამბულის კონვენციის რატიფიკაციის შესახებ. მისი ძირითადი შინაარსი მარტივია, მაგრამ ძალიან მნიშვნელოვანი. ეს არის ვალდებულება, დავიცვათ ქალები ძალადობისგან და ყველა სახის დისკრიმინაციისგან. ჩვენ ვიზიარებთ ევროპულ ღირებულებებს. ჩვენთვის ადამიანის სიცოცხლე და ჯანმრთელობა უმაღლესი ღირებულებაა“, - წერს ზელენსკი.
როგორც მჟკ იტყობინება, 2022 წლის 20 ივნისს უმაღლესმა რადამ მხარი დაუჭირა სტამბულის კონვენციის რატიფიკაციას. კონვენციის ხელმოწერას ეწინააღმდეგებოდნენ უმე, ეკლესიათა საბჭო და ,,ერისკაცები’’.
