რმე-ს სინოდმა მიტროპოლიტი ილარიონი გაათავისუფლა თანამდებობიდან
მიტროპოლიტი ილარიონი გარიცხულია რუსეთის მართლმადიდებელი ეკლესიის წმინდა სინოდის მუდმივი წევრობიდან.
მიტროპოლიტი ილარიონი (ალფეევი) გაათავისუფლეს მოსკოვის საპატრიარქოს საგარეო საეკლესიო ურთიერთობის განყოფილების უფროსის თანამდებობიდან და გარიცხეს წმინდა სინოდის მუდმივი წევრობიდან. ამის შესახებ გადაწყვეტილება რუსეთის მართლმადიდებლური ეკლესიის სინოდმა 2022 წლის 7 ივნისს მიიღო, იტყობინება patriarchia.ru.
ასევე, მიტროპოლიტი ილარიონი გაათავისუფლეს წმინდანთა კირილესა და მეთოდეს თანასწორ მოციქულთა სახელობის საეკლესიო ასპირანტურისა და დოქტორანტურის რექტორის თანამდებობიდან.
ვლადიკა ილარიონი დაინიშნა რუსეთის მართლმადიდებლური ეკლესიის ბუდაპეშტ-უნგრეთის ეპარქიის ადმინისტრატორად.
მოსკოვის საპატრიარქოს საგარეო საეკლესიო ურთიერთობის განყოფილების ახალ უფროსად დაინიშნა მიტროპოლიტი ანტონი კორსუნელი, რომელსაც მიენიჭა ვოლოკოლამის მიტროპოლიტის წოდება. ახლად არჩეული ხელმძღვანელი დროებით ინარჩუნებს დასავლეთ ევროპის ეგზარქოსის მენეჯმენტს და მოსკოვის საპატრიარქოს საზღვარგარეთ დაწესებულებების ოფისის ხელმძღვანელის თანამდებობას.
მანამდე მჟკ-მ გაავრცელა ინფორმაცია, რომ რუსეთის მართლმადიდებელი ეკლესიის სინოდის განცხადებით, მხოლოდ რუსეთის ეკლესიის ადგილობრივ საბჭოს შეუძლია შეცვალოს უმე-ის სტატუსი.
