ვერხოვინაში უმე-ის წართმეული ტაძარი სოფლის საკრებულოს საკუთრებად გამოცხადდა
შეიარაღებული პირების მიერ მრევლისთვის წართმეული უმე-ის ანნო-ზაჩატიევსკის ტაძარი სოფლის საბჭოს საკუთრებაში გადაეცა.
9 მარტს, ივანო-ფრანკოვსკის ოლქის სოფელ ვერხოვინაში უმე-ის ანნო-ზაჩატიევსკის ეკლესიის აღებიდან ორი დღის შემდეგ, შეიარაღებული პირები მივიდნენ ეკლესიაში და მოითხოვეს ეკლესიის სოფლის საბჭოსთვის გადაცემა, ამის შესახებ ჩერნივცი- ბუკოვინის ეპარქიის ფეისბუქის გვერდი იუწყება.
ნიღბიანებმა ტაძრის მრევლი გააძევეს ადმინისტრაციული შენობიდან, პირადი ნივთების ღების უფლებას არ აძლევდნენ, აიძულეს ისინი მწყობრში დამდგარიყვნენ და დაიწყეს მორწმუნეების სახელების ჩაწერა, რუსეთთან საზღვარზე გაგზავნის მუქარით. შეიარაღებულებმა თემის თავკაცს ტაძრის სოფლის საკრებულოს საკუთრებაში გადაცემა მოსთხოვეს.
ჩერნივცი-ბუკოვინის ეპარქიაში აღნიშნეს, რომ ვიდეოში ნაჩვენებია ვერხოვინის რეგიონის ტერიტორიული თავდაცვის ძალები.
„მარხვის პირველი კვირის ღვთისმსახურება არ აღესრულება უმე-ის ეკლესიებში. ხალხს ეშინია ტაძარში წასვლის, რადგან შეიძლება უკან ვეღარ დაბრუნდნენ. ყველა ლოცულობს სახლში“, - აცხადებენ ეპარქიაში.
როგორც მჟკ-მ დაწერა, ივანო-ფრანკოვსკის რეგიონის ხელისუფლება ართმევს ეკლესიებს უმე-ის მორწმუნეებს და შემდეგ მოუწოდებს მათ გადავიდნენ მეუ-ში.
