ნეტარი ქსენიას კიევის ტაძრის წინამძღვარი: ჩვენ მეუ-ს გამო გამოგვასახლეს

კიევში ქალაქის №3 საავადმყოფოს მთავარმა ექიმმა ედუარდ კრასიუკმა უმე-ს თემი წმინდა ნეტარი ქსენიას საავადმყოფო ტაძრის შენობიდან გამოასახლა იმისთვის, რომ სამედიცინო დაწესებულებაში მეუ-ს სტრუქტურა შეექმნა. კრასიუკის კონფლიქტი მორწმუნეებთან დიდი ხნის წინ დაიწყო, როდესაც მან, ახლადგამოჩეკილმა მთავარმა ექიმმა, თემთან არენდის ხელშეკრულების გაგრძელების ნაცვლად, მრევლის  დარწმუნება დაიწყო, რომ მეუ-ში გადასულიყვნენ, იუწყება თავის   Facebook-გვერდზე  «Перший козацький».

„მამა იგორმა უარი თქვა ეღალატა თავისი რწმენისთვის, ამიტომ  კრასიუკმა მას ერთი წლის განმავლობაში შენობის დაცლა მოთხოვა. მოტივაცია თითქოს საავადმყოფოს რეკონსტრუქცია იყო, რომლის თანახმადაც  ტაძრის შენობაში სამედიცინო კაბინეტების მოწყობა იგეგმება“, - წერენ ჟურნალისტები

პარალელურად, კრასიუკის ბრძანებით საავადმყოფოს ტერიტორიაზე მეუ-ს მრევლს შენომა გამოუყვეს.

„მეუ-ს „კლირიკოსი“ადგილზე გამოცხადდა და სულ ერთი-ორჯერ ჩაატარა თავისი რიტუალები. საქმე იმაშია, რომ მის მსახურებას არავინ არ დაესწრო“, - იუწყება «Перший козацький».

საავადმყოფოს ადმინისტრაციის წარმომადგენლებმა სასწრაფოდ გამოასახლეს თემი ტაძრის შენობიდან იმ იმედით, რომ ხალხი მეუ-ს ახლადშექმნილ მრევლში ივლიდა, თუმცა ეს ასე არ მომხდარა.

მთავარი ექიმი ედუარდ კრასიუკი ამტკიცებს, რომ მომხდარი მის მიერ არ ყოფილა  სანქცირებული. ხოლო მართლმადიდებელ მრევლს მართებული კითხვა გაუჩნდა - საიდან ჰქონდათ ტაძრის გასაღები უცხო ადამიანთა ჯგუფს, თუ ის თვით საავადმყოფოს ადმინისტრაციამ არ გადასცა მათ?

მანამდე მჟკ წერდა, რომ კიევში  შენობიდან წმინდა ნეტარი ქსენიას საავადმყოფო ტაძრის მრევლი გამოასახლეს.