სომხეთში არქეოლოგებმა ქვეყანაში ყველაზე ძველი ტაძარი აღმოაჩინეს
სომხეთის უძველესი ეკლესია მიუნსტერის უნივერსიტეტის არქეოლოგებმა აღმოაჩინეს.
სომხეთის ძველ ქალაქ არტაშატში სომხეთის მეცნიერებათა აკადემიისა და გერმანიის მიუნსტერის უნივერსიტეტის არქეოლოგებმა აღმოაჩინეს ადრექრისტიანული ეკლესიის ნარჩენები, იუწყება გამომცემლობა Ny Post.
არქეოლოგთა ჯგუფმა, რომელიც არქეოლოგიურ პროექტზე „არტაქსატი“ მუშაობდა, აღმოაჩინა IV საუკუნეში აშენებული შენობა, რომელიც, ქვეყნის არქეოლოგიური დოკუმენტების თანახმად, სომხეთის ყველაზე ძველი ეკლესიაა. ეს აღმოჩენა სომხეთში ადრეულ ქრისტიანობას ადასტურებს.
არქეოლოგიური გათხრების დროს სპეციალისტებმა იპოვეს რვაკუთხა ფორმის შენობა, რომელიც ჯვრის ფორმით იყო ნაშენები. სპეციალისტთა სომხურ-გერმანულმა ჯგუფმა თავისი სენსაციური აღმოჩენის დასტურად გადაიღო ექსკლუზიური ფოტოები და შეაგროვა არარატის ოლქში ხორ ვირაპთან ახლოს მდებარე ძველი ქალაქის გათხრების კარტოგრაფიული მასალები.
სომხეთის ნაციონალური მეცნიერებათა აკადემიის პროფესორმა მკრტიჩ ზარდარიანმა აღნიშნა, რომ რვაკუთხა ფორმის ეკლესიები კარგად არის ცნობილი ხმელთაშუაზღვისპირეთის მეცნიერებისთვის ჯერ კიდევ 4 საუკუნის დასაწყისიდან, თუმცა მსგავსი საეკლესიო ნაგებობა არარატის დაბლობზე პირველად აღმოაჩინეს. ტიპოლიგიურად ეკლესია ადრექრისტიანულ კომპლექსებს შეესაბამება.
არქეოლოგთა მიერ აღმოჩენილი ქრისტიანული ტაძარი უხვად იყო მოპირკეთებული ხმელთაშუაძღვისპირეთის მარმარილოთი, იატაკზე დაგებულია ტერაკოტის ფილა. რადიონახშირბადული დათარიღებით, აღმოჩენილი ხის პლატფორმების ნარჩენები დამზადებულია IV საუკუნის შუაში, ხოლო რვაკუთხა ფორმის ნაგებობის დიამეტრი 30-მდე სანტიმეტრს შეადგენდა.
მეცნიერ-არქეოლოგთა ჯგუფი გააგრძელებს მუშაობას ახალი აღმოჩენების ძიების კუთხით, რომ დაადგინოს, თუ ვისი სახელობის იყო ეკლესია. ჯვრის ფორმის ტაძარი მდებარეობს სომხეთის იმ ტერიტორიაზე, სადაც, ისტორიული მონაცემებით, ქრისტიანობის მიღებამდე პატიმრობაში იმყოფებოდა გრიგოლ განმანათლებელი ჩვ. წ. 301 წელს.
როგორც მჟკ წერდა, არქეოლოგებმა იპოვეს თასი, რომელიც მსგავსია გრაალისა ფილმიდან ინდიანა ჯონსის შესახებ.
