უმე-ს წინამძღვარი:დემონების არ უნდა შეგვეშინდეს,მათ არავითარი ძალა არა აქვთ
არ უნდა შეგვეშინდეს ტყუილის, ღმერთის უნდა გვეშინოდეს, რომელსაც ნამდვილად აქვს ძალაუფლება, აღნიშნა უნეტარესმა.
25 ივლისის ქადაგებაში, რომელიც წარმოთქვა კიევ-პეჩერის ლავრაში ღვთისმსახურების დროს, უნეტარესმა მიტროპოლიტმა ონუფრიმ თქვა, რომ დემონები მშიშრები და მატყუარები არიან, ამიტომ არ ღირს მათი გვეშინოდეს, იუწყება news.church.ua.
უმე-ს წინამძღვარი ეშმაკეულის განკურნებისა და ეშმაკის ლეგიონის დაღუპვის სახარებისეული იგავის დამრიგებლურ ასპექტებზე შეჩერდა (მათ.8:28-9:1).
უნეტარესის სიტყვებით, ამ სახარებისეულ ისტორიაში ვლინდება დემონების ჭეშმარიტი ზრახვები ადამიანის მიმართ.
"დემონს არ უნდა ადამიანისთვის სიკეთე, თუმცა კეთილი საბაბის, სიტყვების, იდეების ქვეშ იმალება. როდესაც დემონები მოხვდნენ ღორების კოლტში, ღორები გაიქცნენ არა უდაბნოში, არამედ გაიქცნენ ზღვასთან და დაიხრჩვნენ. ანუ დემონებმა ღორები არ დაინდეს, მით უმეტეს ისინი არ დაინდობენ ადამიანს და ღმერთის ყოველ ქმნილებას. ამიტომ ჩვენ ამის შესახებ უნდა ვიცოდეთ",- თქვა უმე-ს წინამძღვარმა.
უნეტარესმა ონუფრიმ აღნიშნა, რომ არ უნდა გვეშინოდეს დემონების, რადგანაც მათ არავითარი ძალა არა აქვთ.
"მათ აქვთ თავხედობა, სიმხდალე, და ეს არა ძალა, არამედ ტყუილია. თავხედობაც, სიმხდალე და ტყუილიც არის პატივმოყვარეობა. ტყუილის არ უნდა გვეშინოდეს, უნდა გვეშინოდეს ჭეშმარიტების, ღმერთის, რომელსაც ნამდვილად გააჩნია ძალა და უფლებამოსილება. ღმერთს აქვს ძალაუფლება სიცოცხლესა და სიკვდილზე, ყველა ქმნილებაზე",- დაასკვნა უმე-ს წინამძღვარმა.
როგორც ადრე მჟკ იუწყებოდა, ღირსი ანტონი პეჩერსკის ხსენების დღეს უმე-ს წინამძღვარმა ლავრაში წირვა ჩაატარა.
