„ჩვენ ჯოჯოხეთში მივდივართ“: ქსელში დადეს ნიუ-იორკში პროტესტის ვიდეო
ფლეშმობის მონაწილეები ცდილობდნენ მართლმადიდებლური პარაკლისის ჩაშლას, რომელიც აბორტების წინააღმდეგ იყო მიმართული.
ქსელში გამოაქვეყნეს საპროტესტო ფლეშმობის ვიდეო სახელწოდებით Unholy Trinity, რომელიც მართლმადიდებლების წინააღმდეგ იყო მიმართული. 19 ივნისს ნიუ-იორკში აბორტარიუმის წინ მორიგი პარაკლისის დროს, რომელიც ჩაატარა ამერიკის მართლმადიდებელი ეკლესიის ნიუ-იორკისა და ნიუ-ჯერსის არქიეპისკოპოსმა მიქაელმა, აბორტის მომხრეები ცდილობდნენ ღვთისმსახურების ჩაშლას.
ვიდეოზე ორი მამაკაცი და ქალი, სკოჩით დამაგრებული საფენებით, ყველა ხერხით ცდილობდნენ პარაკლისის ჩაშლას. ერთ-ერთი მათგანი ეპისკოპოსს სახეში თოჯინას ჩრიდა, მეორე ყვიროდა სიტყვებს „მოდი, გავიკეთოთ აბორტი“, „ჩვენ ჯოჯოხეთში მივდივართ“ და ა.შ. აქტივისტები ვარდებოდნენ ძირს, მომლოცველებს ფეხებზე და ტანსაცმელზე ეპოტინებოდნენ, ყვიროდნენ მიკროფონებში და ცდილობდნენ მართლმადიდებელი მორწმუნეების ფეხებზე სკოჩი შემოეხვიათ, ერთ-ერთმა მონაწილე ქალმა ხატს დაარტყა, რომელიც მართლმადიდებელ მორწმუნეებს ხელში ეჭირათ.
ამ ვიდეომ გამოიწვია გამოხმაურება ქრისტიანთა შეკრებებზე. რუსეთის მართლმადიდებელი ეკლესიის კლირიკოსი მამა ალვიანე თხელიძე წერდა, რომ ეს შემთხვევა „საზოგადოების დექრისტიანიზაციისა და ლიბერალიზაციის თვალსაჩინო მაგალითია. კიდევ ვის სურს მიბაძოს ამერიკას?“ უკრაინის მართლმადიდებელი ეკლესიის დეკანოზმა ალექსანდრე ოვჩარენკომ თავის телеграм-არხზე «Овча» უფრო მძაფრად გამოხატა აზრი: „მშვიდობით, დარჩენილო გონიერებავ და ღვთის ხატებავ. ეშმაკეული სამყაროს სურათები და პერფორმანსები, შემოქმედებით საწყისს, ჯანსაღ კავშირებსა და აზრს მოკლებულები, ავადმყოფური ფანტაზიებით გაჯერებულები, სადაც ისეთი მოძრაობები ჭარბობენ, რომლებიც ანადგურებენ რეალობას (ან ცვლიან მას ინფერნალობით, რაც არსობრივად ერთი და იგივეა) ისეთივე თანმიმდევრობით, როგორც ეს ხდება ნარკოტიკების მოხმარების ან სპირიტიზმის დროს“.
როგორც მანამდე მართლმადიდებელ ჟურნალისტთა კავშირი იუწყებოდა, ნიუ-იორკში ამერიკის მართლმადიდებელი ეკლესიის მორწმუნეებმა აბორტარიუმთან მორიგი პარაკლისი ჩაატარეს.
