კიევში ლგბტ მარშის წინააღმდეგ საპროტესტო აქცია მიმდინარეობს
აქცია დედაქალაქის საკრებულოს შენობასთან მიმდინარეობს.
14 ივნისს კიევში გაიმართა საპროტესტო აქცია „თანასწორობის მარშის“ წინააღმდეგ, რომელიც დედაქალაქში 16 ივნისს იგეგმებოდა.
აღსანიშნავია, რომ აქცია მერიასთან მიმდინარეობს, თუმცა საკრებულომ ლგბტ მსვლელობის ნებართვა არ გასცა. Strana-ს მიერ გამოქვეყნებულ ვიდეოში ადმინისტრაციის შენობის წინ ათობით ადამიანი დგას პლაკატებით. ერთ-ერთ პლაკატზე წერია: „ადამიანის უფლებები ოჯახის უფლებებია“.
16 ივნისს კიევი 2021 წლის შემდეგ თანასწორობის პირველი მარშის გამართვას გეგმავდა ლგბტ თემის 500-მდე წარმომადგენლის მონაწილეობით. აქცია მეტროში უნდა გამართულიყო.
მოგვიანებით, დედაქალაქის მერიაში განაცხადეს, რომ მეტროში ლგბტ მარშის ჩატარება არ დაუმტკიცებიათ და ამისთვის არც ფული გამოუყოფიათ. მათ გაიხსენეს, რომ კიევის მეტრო არის ორმაგი დანიშნულების ობიექტი და ქალაქის კრიტიკული ინფრასტრუქტურის ნაწილი. აქციის ორგანიზატორებს სთხოვეს მისი სხვაგან გადატანა. KyivPride-ის წარმომადგენლებმა განაცხადა, რომ თანასწორობის მარშის ჩასატარებლად მერიისგან ნებართვას არ საჭიროებენ.
როგორც მჟკ იტყობინება, სრულიად უკრაინულმა ეკლესიათა და რელიგიური ორგანიზაციების საბჭომ გამოაქვეყნა განცხადება 16 ივნისს კიევში „რადიკალური მემარცხენე პოლიტიკური მოძრაობის მიერ საჯარო ღონისძიებების გამართვის გეგმის შესახებ“.
