ქსელმა აჩვენა მეუ-ს კაპელანის უპატივცემულო საქციელი მეომრის პანაშვიდზე
მთელი სამგლოვიარო წირვის განმავლობაში კაპელანი ვერ ჩერდებოდა – წრიალებდა, კედლებს ათვალიერებდა და ტაძარში ტელეფონით დადიოდა.
2024 წლის 15 მარტს ჩერნივცი-ბუკოვინის ეპარქიამ ფეისბუქ-გვერდზე გამოაქვეყნა პასუხი მეუ-ს კაპელანის რომან გრიშჩუკის მიერ გავრცელებულ ცილისწამებაზე.
მანამდე რომან გრიშჩუკმა გააკრიტიკა უმე-ის მღვდლები და თავის ფეისბუქის გვერდზე დაწერა შემდეგი: ”პირჯვარს არ იწერდნენ, თაყვანს არ სცემდნენ და აშკარად არ სცემდნენ პატივს საღმრთო მსახურებას”. ეპარქიაში, თავად გრიშჩუკის საქციელის გათვალისწინებით, გამოთქვეს ეჭვი, რომ ის საკუთარ თავზე წერდა.
კერძოდ, პანაშვიდზე გადაღებული კადრებიდან ჩანს, რომ რომანი გამუდმებით თავს ატრიალებდა, ათვალიერებდა ტაძრის ფრესკას და ვიდეოს სმარტფონზე იღებდა. ასევე, "მარადიული ხსოვნის" გალობის დროს რომანმა ტელეფონით გადაიღო კადრები და ზურგი აქცია გარდაცვლილ მეომარს, რითაც შეგნებულად თუ გაუცნობიერებლად გამოხატა თავისი უპატივცემულობა გარდაცვლილის და მისი სულის მოსასვენებელი ლოცვის მიმართ.
ამ ვიდეოს მეორე ფრაგმენტში ვხედავთ, თუ როგორ დადგა რომანი სახარების კითხვის დროს ტაძრის ცენტრში და დაიწყო ვიდეოს ჩაწერა თავის სმარტფონზე, ატრიალებდა სხვადასხვა მიმართულებით და რაკურსს მიმართავდა საკურთხევლისკენ. ეპარქიაში ყურადღება გაამახვილეს იმ ფაქტზე, რომ რომანის უკან იდგნენ უმე-ის მღვდელი და ეკლესიის მოძღვარი, რომლებიც ყურადღებით უსმენდნენ სახარებას. მთავარი ის არის, რომ მეუ-ს კაპელანებს შორის იყო ვიდეო გადამღები და გრიშჩუკს არ უწევდა კადრების დაფიქსირება. სახარების კითხვის დასრულების შემდეგ, კაპელან რომანს ,,პირჯვარიც კი არ გადაუწერია, ის უბრალოდ გაღიმებული დაუბრუნდა თავის ადგილს კაპელანებს შორის, ალბათ ბედნიერი იყო, რომ პანაშვიდზე მის ყოფნას ფუჭად არ ჩაუვლია და საბოლოოდ მოიპოვა სენსაციური კადრები, ომში დაღუპული გმირის პანაშვიდიდან, თავის ფეისბუქ-გვერდზე გასაზიარებლად“.
ეპარქიაში წერენ, რომ ამ ვიდეოს ყურებისას და მეუ-ს კაპელან რომანის ინტერპრეტაციების მოსმენისას ახსენდებათ სიტყვები სახარებიდან: "ნუ განიკითხავთ, რათა არ განიკითხოთ. რადგან როგორც თქვენ განიკითხავთ, იმგვარადვე განიკითხებით, და რომელი საწყაოთიც მიუწყავთ, იმავეთი მოგეწყვებათ. რატომ უყურებ ბეწვს შენი ძმის თვალში, საკუთარ თვალში კი დირესაც ვერ ამჩნევ? ან როგორ ეუბნები შენს ძმას - მიმიშვი, თვალიდან ბეწვი ამოგიღოო, და აჰა, შენს თვალში კი დირეა! თვალთმაქცო, ჯერ შენი თვალიდან ამოიღე დირე და მერე დაინახავ, როგორ ამოიღო ბეწვი შენი ძმის თვალიდან. (მათ. 7:1-5)“.
ეპარქიაში ასევე წერენ, რომ ხალხმა გრიშჩუკის მსგავსი ქცევა დაინახა იმ შეპყრობილებში, რომლებიც ნახეს პოჩაევის ლავრაში.
მჟკ ასევე წერდა, რომ რომან გრიშჩუკმა თქვა: უმე-ის ტაძრის საკეტის გატეხვა წმინდა საქმეა.
