მუსლიმებმა მოკლეს ქრისტიანი წყვილი ისლამისგან განდგომის გამო

Morning Star News იტყობინება Morning Star News, 38 წლის ტვაჰა ნამვოიო და მისი 27 წლის ცოლი ნადიმუ კატოკო, მოწამეობრივად აღესრულნენ რწმენის გამო თავიანთ სახლთან ახლოს სოფელ ბულალაკაში, საალას სამრევლოში, კიბუკუს რაიონში. ქრისტიანი მეზობლის თქმით, ღამით ხმამაღალი ლაპარაკის ხმა ისმოდა, სავარაუდოდ არაბულად გაიძახოდნენ, რომ ტუჰა ისლამისგან განდგომის ნაყოფს მოიმკის. რამდენიმე წუთის შემდეგ ტვაჰას სახლიდან ყვირილი მოისმა. ამის შემდეგ მეზობლის ოჯახი სახლში ჩაიკეტა და მთელი ღამე შიშისგან გარეთ არ გამოუხედავთ. თავდამსხმელები მათ სახლში არ მისულან. მეზობელმა თავდამსხმელები სიბნელეში ვერ ამოიცნო და თქვა, რომ ეს შეიძლება ყოფილიყვნენ ადგილობრივი მცხოვრებლები ან უცხო ადამიანები. უგანდაში ბევრი მუსლიმი იყენებს არაბულს.

პოლიციამ ცოლ-ქმრის სხეულზე ღრმა ჭრილობები აღმოაჩინა, გარდაცვლილს კი კისერი შეშუპებული ჰქონდა, რაც შესაძლოა დახრჩობაზე მიუთითებდეს. გარდაცვლილთა ცხედრები გარეთ ესვენა, სახლთან იყო, წყვილის შვილები კი სახლში იყვნენ ჩაკეტილი. ისინი 2, 3, 5 და 7 წლისანი არიან.

პოლიციამ განზრახ მკვლელობის ოქმი შეადგინა.

წყვილმა ქრისტიანობა მიიღო ნამპიდოს ქრისტიანულ ცენტრში, თქვა ოჯახის მეგობარმა, რომელმაც ისინი რწმენამდე მიიყვანა. ის დაახლოებით ექვსი თვის განმავლობაში სტუმრობდა წყვილს, ლოცულობდა და ესაუბრებოდა რწმენაზე. 2023 წლის 5 დეკემბერს წყვილმა ქრისტიანობა მიიღო. მენტორი აგრძელებდა მათთვის რწმენის სწავლებას, მაგრამ გააფრთხილა, რომ საიდუმლოდ უნდა დაეტოვებინათ ქრისტიანობის მიღება.

ეს მკვლელობა უგანდაში ქრისტიანებზე თავდასხმების ბოლო შემთხვევაა. უგანდის კონსტიტუცია უზრუნველყოფს რელიგიის თავისუფლებას. მუსულმანები უგანდაში უმცირესობას წარმოადგენენ და მათი თემები ძირითადად ქვეყნის აღმოსავლეთით ცხოვრობენ.

მანამდე მჟკ წერდა, რომ უგანდაში მუსულმანმა დედა მოკლა ქრისტიანობის მიღების გამო.