მღვდელი ყვებოდა, თუ როგორ უნდა შეინარჩუნო ქორწინებაში სიყვარული მთელი ცხოვრების განმავლობაში
ქორწინების მსოფლიო დღესთან დაკავშირებით, ხმელნიცკის ტაძრების „ბლაღოჩინი“ ყვებოდა, თუ რატომ იცავენ ქრისტიანები ეკლესიის მიერ მიღებულ წესებს.
ხმელნიცკის ტაძრების „ბლაღოჩინი“, დეკანოზი მიხეილ კოზოვი ქორწინების საერთაშორისო დღეს ყვებოდა, თუ რატომ იცავენ ქრისტიანები მამაკაცისა და ქალის ურთიერთობაში ეკლესიის მიერ მიღებულ წესებს.
დღევანდელი სიტუაციის კომენტირებისას, როდესაც „სამოქალაქო ქორწინებების“, „ჩაილდ-ფრი“, განქორწინებების და ერთსქესიანთა ურთიერთობების რიცხვი სწრაფად იზრდება, მღვდელი ამბობს, რომ ეს მოვლენები არ მეტყველებენ ტრადიციული ქორწინების კრიზისზე. მისი სიტყვებით, ეს მხოლოდ საზოგადოებისა და მორალის კრიზისზე მეტყველებს, როდესაც ადამიანები ერთმანეთს, როგორც ნივთს, ისე ექცევიან, რომელიც აუცილებლობის შემთხვევაში შეიძლება შეიცვალოს.
„არ მოგეწონა ნივთი, გადააგდე და სხვა იყიდე ან აიღე. აქ სულ სხვა მორალია. ამიტომ ეს ეგრეთ წოდებული სამოქალაქო ქორწინება ქორწინება არ არის. თუ ორი ადამიანი ოჯახს ქმნის, ეს ოჯახი მტკიცე უნდა იყოს. ამას ეკლესია სულ გვახსენებს. ჩვენ ქრისტიანები ვართ და უნდა დავიცვათ წესები, რომლებიც სახარებაშია მოცემული. თუ ჩვენ ვიცხოვრებთ ისე, როგორც ქრისტიანობამდელ პერიოდში, წარმართებივით ვიქნებით“, - თქვა მღვდელმა და მაგალითად თავადი ვლადიმერი მოიყვანა.
მან თქვა, რომ პეტრე მოგილას კონდაკში არის ასეთი ფორმულა: საიდუმლოს აღსრულებისას მამაკაცი და ქალი ხელებს წმინდა სახარებას ადებენ და ერთგულების აღთქმას დებენ, ამით ღვთის წინაშე სხვა ადამიანზე პასუხისმგებლობას იღებენ, რომ სიკვდილამდე არ მიატოვებენ მას.
მამა მიქაელის სიტყვებით, პასუხისმგებლობა და საკუთარ თავზე მუშაობა - სწორედ ეს არის მტკიცე, ბედნიერი ქორწინების ფორმულა. ქორწინების, რომელიც ყველაზე „რთულ“ დროს არის შესაძლებელი.
„ეს მოთმინება და მორჩილებაა. მოთმინება და ერთმანეთისთვის დათმობა. როდესაც ახალგაზრდებს ჯვარს ვწერ, სულ ვეუბნები მათ: თუ ერთმანეთს დაუთმობთ, ქორწინებას ყოველთვის შეინარჩუნებთ. ჯერ კიდევ სკოლიდან ცნობილია იგავ-არაკი, როდესაც ვიწრო ხიდზე ორი ბეკეკა შეხვდა ერთმანეთს და შეერკინეს, ორივე წყალში გადავარდა. აქაც ასეა“, - თქვა მღვდელმა.
მისი სიტყვებით, ოჯახი „ერთდღიანი“ რომ არ იყოს, ცოლ-ქმარმა მხარი უნდა დაუჭიროს ერთმანეთს ყველაზე რთულ სიტუაციებშიც კი, როდესაც ერთი მათგანი აშკარა შეცდომებს უშვებს. ასე შესაძლებელია სიყვარულის შენარჩუნება მთელი ცხოვრების განმავლობაში.
მანამდე მჟკ წერდა, რომ ათონის ბერებმა ბერძნულ კანონმდებლობას გეი-ქორწინებების ლეგალიზების შესახებ დანაშაული უწოდეს.
