ს.პრიპუტნიში მიტაცებული ტაძრის მღვდელი: ჩვენ 500 მორწმუნე გვყავს,მეუ-ს - 37
უმე-ს მღვდელმსახურმა აღნიშნა, რომ ს. პრიპუტნის ტაძრის „გადაყვანას“ მეუ-ში ხმა მისცა 37 აქტივისტმა, ხოლო მიტაცების ორგანიზატორთა შორის იყო მხოლოდ რამდენიმე ადგილობრივი.
უმე-ს რელიგიური გაერთიანება, რომელიც 2021 წლის 4 აპრილამდე ჩერნიგოვის ოლქის სოფელ პრიპუტნის ყოვლადწმინდა ღვთისმშობლის შობის ტაძარში ლოცულობდა, 500-მდე ადამიანს ითვლის, ტაძრის უკრაინაში მართლმადიდებელ ეკლესიაში „გადაყვანას“ კი 37 აქტივისტმა მისცა ხმა. ამის შესახებ უკრაინის მართლმადიდებელი ეკლესიის მიტაცებული ტაძრის წინამძღვარი მამა სერგი ყვებოდა რესურსის «Православная жизнь» კომენტარში.
მიტაცების დღეს მორწმუნეები დილის მსახურებაზე მივიდნენ, თუმცა მათ ტაძარში უკვე უკრაინაში მართლმადიდებელი ეკლესიის „მსახურება“ მიმდინარეობდა, ხოლო „ეზოში
უცხო ახალგაზრდები იყვნენ“, - ყვებოდა უკრაინის მართლმადიდებელი ეკლესიის მღვდელმსახური.
„მსახურების დასრულების შემდეგ ახალგაზრდებმა, რომლებმაც მანამდე ტაძარში შეაღწიეს, გამოაცხადეს ის უკრაინაში მართლმადიდებელი ეკლესიის საკუთრებად, აგრეთვე თქვეს, რომ უკრაინის მართლმადიდებელი ეკლესიის გაერთიანებას ტაძარში აღარ შეუშვებენ, დაკიდეს ბოქლომები და წავიდნენ“, - ყვებოდა მამა სერგი.
მან დააზუსტა, რომ რეიდერთა შორის, რომლებიც ტაძრის მიტაცების ორგანიზატორები იყვნენ, მხოლოდ რამდენიმე ადგილობრივი მაცხოვრებელი იყო, მათ შორის უკრაინაში მართლმადიდებელი ეკლესიის „კლირიკოსი“, ყოფილი მღვდელმონაზონი ლეონტი, რომელსაც მსახურება აკრძალული ჰქონდა.
„უნდა აღინიშნოს, რომ უკრაინის მართლმადიდებელი ეკლესიის გაერთიანება, ჩვენი და მეზობელი სოფლის (ჩვენ ერთი ტაძარი გვაქვს), 500-ზე მეტ ადამიანს ითვლის, - ხაზი გაუსვა მამა სერგიმ. - თვითონ ტაძარი ჯერ კიდევ 1886 წელს იყო აშენებული სოფლის მაცხოვრებელთა ძალებით, რომლებმაც თავად ააშენეს აგურის ქარხანა, სკოლა და ჩვენი ტაძარი. 2019 წელს უკრაინაში მართლმადიდებელი ეკლესიის აქტივისტებმა ჩაატარეს უკანონო კენჭისყრა უკრაინის მართლმადიდებელი ეკლესიის ტაძრის გადასვლაზე უკრაინაში მართლმადიდებელ ეკლესიაში. 37 ადამიანმა მხარი დაუჭირა. გესმით, ჩვენ - უკრაინის მართლმადიდებელი ეკლესიის ერთგულები 500 ვართ, ისინი კი - 37!“
მღვდელმა აღნიშნა, რომ გაერთიანების გადარეგისტრირების გადაწყვეტილება სასამართლოში იყო გასაჩივრებული.
„ახლა ღვთის შეწევნისა და კანონის დაცვის იმედი გვაქვს, ამიტომ 4 აპრილს პოლიციაში შევიტანე ჩემს მიერ დაწერილი განცხადება სოფელ პრიპუტნის უკრაინის მართლმადიდებელი ეკლესიის ყოვლადწმინდა ღვთისმშობლის შობის სახელობის ტაძრის მიტაცებაზე“, - აღნიშნა მან.
როგორც მართლმადიდებელ ჟურნალისტთა კავშირი იუწყებოდა, 2021 წლის 4 აპრილს „სვობოდას“ ნაციონალისტებმა მიიტაცეს უკრაინის მართლმადიდებელი ეკლესიის ტაძარი პრიპუტნიში. მიტაცების ორგანიზებისთვის სოფელში ჩამოვიდა 20-მდე ადამიანი. მათი ნაწილი მორწმუნეთა მიერ იდენტიფიცირებული იყო - ისინი უკრაინის მართლმადიდებელი ეკლესიის ტაძრების მიტაცების მონაწილეები იყვნენ რეგიონის სხვა დასახლებულ პუნქტებში, კერძოდ, სოფელ კრუტში, პარაფიევკაში და სხვ. აგრეთვე მართლმადიდებელ ჟურნალისტთა კავშირმა დაწვრილებით გამოაქვეყნა ტაძრის მიტაცება პრიპუტნიში.
