საბერძნეთში ლგბტ მხარდამჭერებმა შეურაცჰყვეს მართლმადიდებლური ეკლესია
ვანდალებმა ტაძრის მთავარი შესასვლელის წინ ქ.ლარისას მიტროპოლიტის მიმართ, ხოლო ღვთისმშობლის მისამართით კიბეებზე დატოვეს ვულგარული შინაარსის წარწერები.
2024 წლის 4 თებერვალს ვანდალებმა შეურაცხყვეს ბერძნული მართლმადიდებლური ეკლესიის საკათედრო ტაძარი ქალაქ ლარისაში, მოხატეს მისი კედლები ლგბტ ადამიანების მხარდასაჭერი ლოზუნგებითა და ეკლესიის მიმართ შეურაცხყოფით.
ლარისას მფარველი წმინდანის, წმინდა აქილევსი ლარისელის ტაძარი საბერძნეთის ეკლესიის სინოდალური ცირკულარის წაკითხვის წინა დღეს შეურაცხყვეს გეი ქორწინების ლეგალიზაციის მხარდამჭერი წარწერებით.
ვანდალებმა წარწერები დატოვეს მიწაზე ტაძრის წინ და ტაძრის კედლებზე, რომლებიც მიმართული იყო როგორც მართლმადიდებლური სარწმუნოების წინააღმდეგ, ისე პირადად მიტროპოლიტ იერონიმეს წინააღმდეგ.
ერთ-ერთ წარწერაში ნათქვამია, რომ „საბერძნეთი კვდება“ და ხალხი „ოჯახის, რელიგიისა და მღვდლების ჯოჯოხეთში“ ცხოვრობს. სხვაგან წერია: „არა ძალადობას - დიახ ლესბოსელობას“.
მთავარი შესასვლელის წინ ვანდალებმა ვულგარული წარწერა დატოვეს მიტროპოლიტის მისამართით, ხოლო კიბეებზე - ღვთისმშობლის შესახებ.
ლარისას მიტროპოლიტი იერონიმე ერთ-ერთი ბერძენი იერარქია, რომელიც კატეგორიულად ეწინააღმდეგება მთავრობის ინიციატივას და სწორედ მან მოუწოდა ეკლესიას არ შეწყვიტოს კანონიერი ბრძოლა ქორწინების ახალ ფორმასთან კანონის მიღების შემდეგაც.
მჟკ ადრე წერდა, რომ საბერძნეთის ეკლესია ეწინააღმდეგებოდა გეი ქორწინების ლეგალიზებას.
