ევროვიზიის ეროვნულ შერჩევაში სიმღერამ ღვთისმშობელსა და დედა ტერეზაზე გაიმარჯვა
უკრაინას 2024 წლის ევროვიზიაზე შვედეთში დუეტი Alyona Alyona და Jerry Heil წარადგენს.
მომღერალი ჯერი ჰეილისა და რეპერ ალიონა ალიონას დუეტი ევროვიზიაზე სიმღერით "ტერეზა და მარია" გავა. დუეტმა მაყურებლისა და ჟიურის კენჭისყრის შედეგებით 21 ქულა დააგროვა. ხმის მიცემის საბოლოო შედეგები 4 თებერვალს გამოცხადდა, ევროვიზიის უკრაინის ოფიციალურ Youtube არხზე.
ტრეკი ადრე გააკრიტიკეს სიმღერის "დედა ტერეზას საკამათო იმიჯის" გამო. მისამღერის ტექსტი: „ჩვენთან ერთად არიან დედა ტერეზა და ღვთისმშობელი. ფეხშიშველი, სამართებელის პირივით დადიოდნენ მიწაზე“.
ჯერი ჰეილმა თქვა, რომ სიმღერაში დედა ტერეზასა და ღვთისმშობლის ხსენების მიუხედავად, ეს არ არის ბიოგრაფიული ისტორია, რადგან როდესაც ვინმეს დედა ტერეზას ეძახით, გულისხმობთ კეთილ და გულთბილ ადამიანიას. სიმღერა Teresa & Maria სავსეა ამ სიმბოლოებით. „მინდა ხაზგასმით აღვნიშნო, რომ ჩვენ არ ვმღერით დედა ტერეზაზე. ის, ისევე როგორც ღვთისმშობელი, გამოიყენებოდა ამ მისამღერში სიმბოლოდ“, - განაცხადა ჯერი ჰეილმა.
Alyona Alyona ამტკიცებს, რომ სიმღერის მთავარი მნიშვნელობა მდგომარეობს სტრიქონებში: "ყველა წმინდანი ოდესღაც ადამიანად დაიბადა".
როგორც მჟკ იტყობინება, 2016 წელს დედა ტერეზა ვატიკანში წმინდანად შერაცხეს.
