სარნოს ეპარქიაში მეუ-ს მიერ მიტაცებულის სანაცვლოდ აკურთხეს ახალი ტაძარი
მიტროპოლიტმა ანატოლიმ მიულოცა მორწმუნეებს ახალი ტაძრის კურთხევა და მოუწოდა მათ შეინარჩუნონ მართლმადიდებლური რწმენა.
2021 წლის 13 მარტს პოლისის და სარნის მიტროპოლიტმა ანატოლიმ აკურთხა პეტრე-პავლეს სახელობის ტაძარი როვენის რაიონის სოფელ იასინეცში, იუწყება პოლესის ეპარქიის პრეს-სამსახური.
დუბოვიცას რაიონის სოფელ სელეცში წმინდა ნიკოლოზის სახელობის ტაძრის რეიდერულად ხელში ჩაგდების შემდეგ, დევნილი ეკლესიური თემი იძულებული იყო ელოცა სამლოცველოში, რომელიც მდებარეობს სოფელ იასინეცის სასაფლაოზე. ტაძრის წინამძღვრის დეკანოზ ნიკოლაი ივანიჩკოს და სამრევლოს ძალისხმევით შენობა ტაძრად გადაკეთდა.
მიტროპოლიტმა ანატოლიმ აკურთხა ახალი ტახტი და უნეტარესი მიტროპოლიტი ონუფრის კურთხევით დააბრძანა კიევისა და გალიცის მიტროპოლიტის წმინდა მოწამე ვლადიმირის სიწმინდეები. კურთხევის შემდეგ ტძარში შესრულდა პირველი საღვთო ლიტურგია საეპისკოპოსო რანგში.
მიტროპოლიტ ანატოლისთან ერთად მსახურებდნენ სოფელ ველიკიე ცინცევიჩის წმინდა-პოკროვის მამათა მონასტრის არქიმანდრიტი ანტონი(გრიბანი), სოფელ იასინეცის პეტრე და პავლეს სახელობის ტაძრის დეკანოზი ნიკოლაი ივანიჩკო, მღვდლები მეზობელი სოფლებიდან, და ასევე კიევის ეპარქიის კლირიკები.
მიტროპოლიტმა ანატოლიმ მიულოცა სამღვდელოებას და მორწმუნეებს ტაძრის კურთხევა, უსურვა სამრევლოს ტაძრის და წინაპრების სარწმუნოების შენარჩუნება და მადლობა გადაუხადა მორწმუნეებს მსხვერპლის გაღებისთვის.
როგორც ადრე მჟკ იუწყებოდა, ბელგოროდკაში აკურთხეს მშენებარე ტაძრის გუმბათის ჯვარი.
