ფანარიონის მეთაური: გზა ერთიანობისკენ - პაპთან ურთიერთობის ცენტრალური თემაა
პატრიარქმა ბართლომემ აღნიშნა, რომ არასდროს არ ყოფილა მართლმადიდებლობის „ინტროვენტობის“ მომხრე.
ქრისტიანთა გაერთიანების გზისა და საღვთისმეტყველო დიალოგის პროგრესის საკითხს ცენტრალური ადგილი უჭირავს კონსტანტინოპოლის პატრიარქის ბართლომესა და რომის კათოლიკური ეკლესიის მეთაურის პაპ ფრანცისკეს შორის ურთიერთობებში. ამის შესახებ ფანარის მეთაური ყვებოდა იტალიურ გამომაცემლობა Avvenire-თან ინტერვიუში.
პატრიარქმა ბართლომემ აღნიშნა, რომ „არასდროს არ ყოფილა მართლმადიდებლობის ინტროვენტობის მომხრე“ და მთელი ცხოვრება თვლიდა, რომ ქრისტიანთა ერთიანობის წინსვლის საკითხს ცენტრალური მნიშვნელობა აქვს და ხაზი გაუსვა, რომ მას და პაპ ფრანცისკეს „ბევრი საერთო ინტერესი“ აქვთ.
„ჩვენ ერთი ათჯერ მაინც შევხვედრილვართ. ბევრი საერთო ინტერესი და მისწრაფება გვაქვს სოციალურ საკითხებში, მაგალითად, ჩვენს გაჭირვებულ მოძმეთა, უპოვართა, დევნილთა დაცვა, მშვიდობისა და შემრიგებლობის უზრუნველყოფა, რელიგიათშორისი დიალოგი, ქმნილების დაცვა. რა თქმა უნდა, ქრისტიანთა გაერთიანების გზისა და საღვთისმეტყველო დიალოგის პროგრესის საკითხს ცენტრალური ადგილი უჭირავს ჩვენს ურთიერთობებში“, - თქვა ფანარის მეთაურმა კათოლიკეთა მეთაურთან ურთიერთობის კომენტირებისას.
მან განმარტა, რომ მათ შორის არსებობს ურთიერთნდობა და საერთო სურვილი დააჩქაროს „სასურველი ერთობისკენ“ მიმავალი გზა და ეს პირად შეხვედრებთან და ერთობლივ დეკლარაციებთან ერთად „მნიშვნელოვანი წვლილია ჩვენს ეკლესიებს შორის ურთიერთობების უფრო ფართო განვითარების საქმეში“.
შეგახსნებთ, რომ მანამდე პატრიარქმა ბართლომემ განაცხადა, რომ ვატიკანი და მართლმადიდებელი ეკლესია გაერთიანდება, მიუხედავად იმათი წინააღმდეგობისა, ვისაც ეკუმენიზმი უტოპიად მიაჩნია.
