ისრაელის საჰაერო თავდასხმის შედეგად ღაზაში მდებარე კათოლიკური ეკლესია დაზიანდა
ღაზაში ომის დაწყებიდან 20-ზე მეტი ქრისტიანი დაიღუპა.
2023 წლის 11 დეკემბერს ისრაელის საჰაერო დარტყმამ დააზიანა ერთადერთი კათოლიკური ეკლესია ღაზაში, იუწყება რკე-ის პაპის ფონდის ვებგვერდი. შრაპნელის დარტყმამ დააზიანა სახურავი, მზის პანელები და წყლის ავზები.
12 დეკემბერს ტაძართან აუფეთქებელი რაკეტა იპოვეს. სასულიერო პირები ამას სასწაულად მიიჩნევენ და ამტკიცებენ, რომ აფეთქების შემთხვევაში მსხვერპლი მრავალრიცხოვანი იქნებოდა. თემი საწვავის, წყლისა და ელექტროენერგიის გარეშე დარჩა.
რესურსი ასევე იუწყება, რომ ომის დაწყებიდან 22 ქრისტიანი დაიღუპა, მათ შორის 17 წმ. პორფირის ტაძრის აფეთქებისას.
ხანმოკლე ზავი საშუალებას აძლევდა ქრისტიანებს, რომლებიც კათოლიკურ ეკლესიას აფარებდნენ თავს, გამოსულიყვნენ და შეემოწმებინათ თავიანთი სახლების მდგომარეობა. ბევრმა მათ ადგილას ნანგრევები აღმოაჩინა.
„დავიცადე, სანამ აფეთქებები შეწყდებოდა და წავედი ჩვენი სახლის შესამოწმებლად, სადაც კიდევ რამდენიმე ქრისტიანი ოჯახი ცხოვრობდა, რომ მივედი ვნახე მთელი საცხოვრებელი კორპუსი მთლიანად დანგრეულიყი, აღარაფერი გადარცა“, - ამბობს ერთი ქრისტიანი ქალი. ”ყველაფერი, რაც გვქონდა, მათ შორის ჩემი ბავშვობის მოგონებები, ისტორიას ჩაბარდა.”
”მეორე დღეს გასაღებს ბრელოკი მოვხსენი, რადგან ის აღარ მჭირდება, ახლა სახლი აღარ მაქვს”, - დასძინა მან.
მჟკ წერდა, რომ ისრაელი ბომბავს ღაზას ხელოვნური ინტელექტის სისტემა "სახარება" -ს გამოყენებით.
