ლადიჟინში შეკრიბეს სამხედროები, რომ უმე-ს ყაზანის ტაძარი მეუ-სთვის გადაეცათ
უმე-ს ტაძრის მიტაცების ინიციატორები ამბობენ, რომ „მიუხედავად იმისა, რომ ქვეყანაში ომია, მოსკოვის ეკლესიის მესვეურნი მრევლში განხეთქილების ქსელის ხლართვას აგრძელებენ“.
2023 წლის 10 ნოემბერს ლადიჟინში რამდენიმე ათეულმა სამხედრომ ქალაქის ტერიტორიული სამრევლოს წარმომადგენლებთან ერთად უმე-ს ყაზანის ტაძარი მეუ-ში „გადაიყვანეს“.
«Ладижин Інфо»-ს ტელეგრამ-არხზე წერენ, რომ უმე-ს ტულჩინსკის ეპარქიის ყაზანის ტაძრის „გადასვლის“ გადაწყვეტილება „მეუ-ს კანონიკურობის ქვეშ“ (ორიგინალი დაცულია, - რედ.) მიიღო „საინიციატივო სამრევლომ პარასკევს... სამხედროების მონაწილეობით“. „ქალაქის საერთო კრებაზე“ უმე-ს ტაძრის მიტაცების ინიციატორები ამბობდნენ, რომ „მიუხედავად იმისა, რომ ქვეყანაში ომია, მოსკოვის ეკლესიის მესვეურნი მრევლში განხეთქილების ქსელის ხლართვას აგრძელებენ“.
„სიტუაციაში ჩარევა და თავისი მრევლის მხარდაჭერა სამხედროებმაც გადაწყვიტეს. თავიანთი შვებულების ერთადერთი დღე მათ უმნიშვნელოვანეს საქმეს მიუძღვნეს - მრევლის მხარდაჭერას უკრაინის ერთიან ადგილობრივ ეკლესიაში გადასვლის სურვილში“, - ნათქვამია უწყებაში.
საბოლოოდ 1306 ადამიანმა „ხმა მისცა“ ეკლესიის გადასვლას „მეუ-ს კანონიკურობის ქვეშ“, რაც აუწყეს ვინიცკის საოლქო სახელმწიფო ადმინისტრაციის ეროვნებათა და რელიგიათა საქმეთა სამმართველოს - „ქალაქის რელიგიური გაერთიანებების დამფუძნებელ დოკუმენტებში ცვლილებების შესატანად“.
მანამდე მჟკ წერდა, რომ სოფელ ლუგში ადამიანი სამხედრო ფორმაში თავს დაესხა ფეხმძიმე ქალს უმე-ს მრევლიდან.
