უმე-ს მრევლმა სოფელ სტადნიკში ლიტურგია ქუჩაში ჩაატარა
სოფელ სტადნიკის უმე-ს მორწმუნეებმა შეინარჩუნეს ეკლესიისადმი ერთგულება და ერთი წლის განმავლობაში, მიუხედავად ყველაფრისა, მრევლის ლოცვით ცხოვრებასაც ინარჩუნებენ.
2023 წლის 26 ოქტომბერს, ივერიის ღვთისმშობლის ხატის დღესასწაულზე, როვენის ეპარქიის ოსტროგის ოლქის სოფელ სტადნიკის მრევლმა ლიტურგია ქუჩაში ჩაატარა - მეუ-ს მიერ მიტაცებული ტაძრის კართან, იუწყება ეპარქიის პრეს-სამსახური.
ამ დღეს ღვთისმსახურება დეკანოზმა ალექსანდრე მაქსიმიუკმა ოსტროგის ოლქის სამღვდელოებასთან ერთად ჩაატარა.
სადღესასწაულო ლიტურგია სამღვდელოებამ ღია ცის ქვეშ, ეკლესიის დაკეტილ კართან ჩაატარა. ქადაგებაში დეკანოზმა აღნიშნა, რომ „დღეს ეკლესიაში ჩაკეტილი ღვთისმშობელი ტიროდა“.
მან ყველას მადლობა გადაუხადა, ვინც სოფელ სტადნიკის უმე-ს მრევლს მხარი დაუჭირა, ამ სოფლის მაცხოვრებლებს, საეკლესიო გუნდს, ყველას, ვინც ეკლესიისადმი ერთგულება შეინარჩუნა და ერთი წლის განმავლობაში, მიუხედავად ყველაფრისა, მრევლის ლოცვით ცხოვრებასაც ინარჩუნებს.
შეგახსენებთ, რომ ჯერ კიდევ 2019 წელს მეუ-ს მომხრეებმა ღვთისმშობლის შობის ტაძარი, ყალბი დოკუმენტების გამოყენებით, თავიანთ სტრუქტურაში გადაარეგისტრირეს. 2022 წლის მარტის დასაწყისიდან მეუ-ს რეიდერები ცდილობდნენ ღვთისმშობლის შობის ტაძრის მიტაცებას, ხოლო 15 მაისიადან ტაძარი დალუქეს ჩხუბის მერე, რომელიც განხეთქილების მომხრეებმა მოაწყვეს.
ამჟამად ღვთისმშობლის შობის ტაძარი სტადნიკში დალუქულია, ხოლო უმე-ს მრევლი ყოველ კვირას ღვთისმსახურებებს ტაძართან ატარებს. „მეუ-ს ახალშექმნილი მრევლი არც ტაძრის ტერიტორიაზე, არც სოფლის ტერიტორიაზე ლოცვაზე არ დადის“, - აღნიშნეს როვენის ეპარქიის საიტზე.
