თუ რუსეთის ეკლესია 1000 წლისაა,ჩვენი 2000 წლის-კვიპროსის არქიეპისკოპოსი
არქიეპისკოპოსი ქრიზოსტომოსი თვლის, რომ რმე არ სცემს პატივს კონსტანტინოპოლის პატრიარქატს და არ წარმოადგენს მისაბაძ მაგალითს მართმადიდებლობისთვის.
თუ რუსეთის მართლმადიდებელი ეკლესია ათასი წლისაა, უძველესი პატრიარქატები და კვიპროსის ეკლესია ორი ათას წელს ითვლის. ამის შესახებ განაცხადა კვიპროსის არქიეპისკოპოსმა ქრიზოსტომოს II ageliaforos.com რესურსის კომენტარში ბერძნულ გაზეთ „კატიმერინში“ გამოქვეყნებული მს სსკგ-ს მეთაურის, ვოლოკამის მიტროპოლიტ ილარიონ (ალფეევის) ინტერვიუზე პასუხად, რომელშიც იერარქმა შეფასება მისცა ფანარიონის მოქმედებებს უკრაინაში.
„მეც სხვა პოზიცია მქონდა, რადგანაც მთელი სიმართლე არ ვიცოდი, - თქვა არქიეპისკოპოსმა ქრიზოსტომოსმა. როცა ჭეშმარიტება გავიგე, ამჟამინდელი პოზიცია დავიკავე. მსოფლიოს პატრიარქატმა კიევი და უკრაინა თავის მმართველობას გადასცა“.
მისი სიტყვებით, „უკრაინის საკითხი“ უნდა ყოფილიყო განხილული 2016 წელს კრეტას კრებაზე, „მაგრამ მოსკოვის პატრიარქს ეს არ სურდა, ის ეცადა მოეხსნა საკითხი საეკლესიო კრების დღის წესრიგიდან და დადო პირობა მიეღო მასში მონაწილეობა. ბოლოს, ის არ დაესწრო კრეტას კრებას და მან გავლენა მოახდინა მათზე, ვინც ვერ შეძლო მასზე დასწრება“.
ამასთან დაკავშირებით, კვიპროსის ეკლესიის წინამძღოლმა ხაზი გაუსვა, „ეს ჩვენ არ ვართ, მოსკოვის საპატრიარქო კი არ ფიქრობს სწორად და არ უწყობს ხელს მართლმადიდებლობის ერთიანობას. ჩვენ გვსურს, რომ მართლმადიდებელი ეკლესია იდგეს მაღლა, იყოს ერთიანი და მისაბაძი მაგალითი“.
რმე-მ კი დაამატა, რომ ის „არ წარმოადგენს მისაბაძ მაგალითს და ძალიან ვწუხვარ ამის გამო“.
„თუნდაც თუ დავეთანხმებით იმას, რომ რუსეთის მართლმადიდებლური ეკლესია, როგორც მიტროპოლიტი ილარიონი ამტკიცებდა, არსებობს ათასი წელია, ჩვენ, ძველი პატრიარქატები და კვიპროსის ეკლესია, ორი ათას წელს ვითვლით. აი, რატომ უნდა გაიარონ მათ ჩვენთან კონსულტაცია. რუსეთის მართლმადიდებლურმა ეკლესიამ მიიღო მართლმადიდებლობა მსოფლიოს პატრიარქატისგან, რომელსაც დღეს პატივს არ სცემს. ყველა უმცროსი ადგილობრივი მართლმადიდებლური ეკლესიისთვის პატრიარქატი წარმოადგენს დედა-ეკლესიას“ - აცხადებს არქიეპისკოპოსი ქრიზოსტომოსი.
შეგახსენებთ, რომ ადრე მიტროპოლიტი ილარიონი (ალფეევი) აცხადებდა, რომ რმე-მ „დიდი შეცდომა“ დაუშვა, როცა ენდო კონსტანტინოპოლის პატრიარქ ბართოლომეოს.
