უმე-ს იერარქი: იმედი გვაქვს, რომ მსოფლიო დახმარებას გაუწევს უკრაინაში მორწმუნეთა უფლებების დაცვას

ჩერკასკისა და კანევსკის მიტროპოლიტმა თეოდოსმა საერთაშორისო საზოგადოებას და სამართალდამცავებს მოუწოდა უკრაინაში უმე-ს მორწმუნეთა უფლებების დაცვისკენ. ამის შესახებ იუწყება ჩერკასკის ეპარქიის პრეს-სამსახური.

ადამიანის უფლებების ომბუდსმენის დიმიტრი ლუბინცის განცხადების კომენტირებისას იმის შესახებ, რომ მასთან არ შემოსულა მიმართვები უმე-ს მორწმუნეთა უფლებების დარღვევების თაობაზე, მღვდელმთავარმა განაცხადა, რომ მთელი რიგი მიზეზების გამო, მას რწმუნებულისთვის ნამდვილად არ გაუგზავნია არანაირი განცხადება.

„პირველ რიგში, უკრაინის უმაღლესი რადის ადამიანის უფლებათა რწმუნებულის უფლებამოსილებები არ ითვალისწინებენ იმ საქმეებში ჩარევის საშუალებას, რომლებიც სასამართლო ან სამართალდამცავი ორგანოების მიერ განხილვის პროცესში არიან, - ამბობს ის. - მეორე, წინა წლებში ომბუდსმენის ოფისში შემოვიდა უმე-ს მორწმუნეთა ათობით მიმართვა, რაც კონკრეტულად შეიძლება დადგინდეს 2020 წლის უკრაინის უმაღლესი რადის რწმუნებულის ანგარიშიდან გამომდინარე.

მიტროპოლიტმა თეოდოსმა გაიხსენა, რომ 2020 წელს რწმუნებულმა იცოდა „უკიდურესად დაძაბული სიტუაციის შესახებ უკრაინაში რელიგიურ ნიადაგზე გაღვივებულ  მრავალრიცხოვან კონფლიქტთან დაკავშირებით“.

გარდა ამისა, მან აღნიშნა, რომ ლუბინეცს არანაირი ეფექტური ქმედება არ განუხორციელებია ხმელნიცკის ოლქში უმე-ს მორწმუნეთა უფლებების დასაცავად, რის გამოც  მრევლმა  სამართლიანი ეჭვი შეიტანა ომბუდსმენის ობიექტურობაში.

„რაც შეეხება იმას, რომ ომბუდსმენის მიმართ არ არსებობს უკრაინის მართლმადიდებელი ეკლესიის მორწმუნეთა მიმართვები, ეტყობა ეს დაკავშირებულია უკრაინის მორწმუნე მოქალაქეების უნდობლობასთან ამ ინსტიტუტისა და პირადად ბატონ ომბუდსმენის მიმართ“, - დაამატა მღვდელმთავარმა.

მიტროპოლიტი თეოდოსი აგრეთვე იუწყებოდა, რომ 2022 და 2023 წლებში გაეროში აღიარეს რელიგიურ ნიადაგზე დაპირისპირებების ფაქტები და აღნიშნეს, რომ უკრაინაში რელიგიური თავისუფლების მნიშვნელოვანი შეზღუდვებია.

როგორც მჟკ იუწყებოდა, ჩერკასკის მიტროპოლიტი თეოდოსი გამოვიდა გაეროს საბჭოში.