რმე-მ ხელისუფლებას მოუწოდა არ დანიშნოს მიგრანტები „გარკვეულ თანამდებობებზე“
კურგანის მიტროპოლიტმა ხაზი გაუსვა რმე-ის და სახელმწიფოს სიმფონიის განვითარების მნიშვნელობას.
კურგანის მიტროპოლიტმა დანიელმა (რმე) არხ «Царьград» -თან ინტერვიუში თქვა, რომ მან ადგილობრივ ხელისუფლებას მოუწოდა არ დანიშნოს მიგრანტები „გარკვეულ თანამდებობებზე“, არამედ უპირატესობა „ჩვენს ხალხს“ მიენიჭოს.
„სიტუაცია, რბილად რომ ვთქვათ, მარტივი არ არის, - აზრი გაგვიზიარა მიტროპოლიტმა. - მიგრანტები ჩვენს მოსახლეობას ნარკოტიკებს აჩვევენ და ცდილობენ დაარღვიონ კანონი, რომლითაც ჩვენ ვცხოვრობთ“. ის ყვებოდა, რომ არა ერთხელ მიმართა ადგილობრივ ხელისუფლებას წერილობით, და ურჩევდა მას, რომ „თვალყური ადევნონ, თუ როგორ ჩამოდიან ისინი (მიგრანტები, - რედ.), როგორ იღებენ პასპორტებს, აბარებენ გამოცდებს“.
„არის გარკვეული თანამდებობები, რომლებიც მიგრანტებმა არ უნდა დაიკავონ, ვინაიდან არსებობს სწორედ ჩვენი ხალხი და ისინი მზად არიან მიგრანტების მაგივრად თავის თავზე აიღონ ეს პასუხისმგებლობა, რადგან ჩვენ შეძლებისდაგვარად უნდა ავიცილოთ ამ ტიპის პრობლემები“, - თქვა რმე-ის იერარქმა.
მან აგრეთვე ხაზი გაუსვა ეკლესიისა და სახელმწიფოს სიმფონიის მნიშვნელობას, რადგან „როდესც ჩვენ საერთო ღირებულებები გვაქვს, მაშინ გვესმის ერთმანეთის“.
მღვდელმთავარმა განაცხადა, რომ დიდ ბრიტანეთში „მშვიდობა არ არის“, რადგან იქ „არის ორი რელიგიური მიმართულება - კათოლიკები და პროტესტანტები“.
„ისინი სხვადასხვანაირად აფასებენ სულიერ და სხვა პრობლემებს. და როდესაც ჩვენ გვაქვს ერთობა, ჩვენი მართლმადიდებლური რწმენა, ჩვენი სულიერი კანონები, რომლებიც წარმოადგენენ როგორც პიროვნების, ასევე სახელმწიფოს სიცოცხლისუნარიანობის საფუძველს“, - ამტკიცებდა იერარქი.
მანამდე მჟკ წერდა, რომ რმე-ში შეშფოთებულები არიან ჯვრების მასიური წაშლით გერბებზე და სახელმწიფო ლოგოტიპებზე.
