უმე-მ განმარტა თუ რატომ არ იბრუნებენ მიტაცებულ ტაძრებს ძალის გამოყენებით
თუ გავითვალისწინებთ უმე-ს შეჯამებულ ძალებს,საკმაოდ სწრაფად შეიძლებოდა ყველა მიტაცებული ქონების დაბრუნება,აღნიშნა მიტროპოლიტმა ანტონმა(პაკანიჩმა).
უკრაინის მართლმადიდებელი ეკლესიის საქმეთა მმართველმა ბორისპოლის და ბროვარის მიტროპოლიტმა ანტონი (პაკანიჩმა) უპასუხა კითხვას იმის შესახებ, თუ რატომ არ შეუძლია უკრაინის მართლმადიდებელი ეკლესიის მრევლს, რომელიც ათჯერ და ზოგჯერ ასჯერაც მეტია, ვიდრე განხეთქილებაში მყოფნი, დაიბრუნონ მათგან მიტაცებული ტაძრები. მიტროპოლიტის კომენტარი გამოაქვეყნა რესურსმა „მართლმადიდებლური ცხოვრება“.
„მართლაც, თუ გავითვალისწინებთ ჩვენი ეკლესიის შეჯამებულ ძალას, ჩვენ შევძლებდით საკმაოდ სწრაფად მთელი მიტაცებული ქონების დაბრუნებას, - აღნიშნა უკრაინის მართლმადიდებელი ეკლესიის საქმეთა მმართველმა. - მაგრამ რა ფასად გადაწყდებოდა ეს საკითხი? რამდენი სისხლი და ცრემლი მოყვებოდა ამას“.
მან განმარტა, რომ ადამიანები, ვინც თავისი შეხედულებების გამო ვერ მივიდნენ უფლის ჭეშმარიტ ტაძარში, ცდებიან, „მაგრამ ისინი ჩვენი მტრები არ არიან“.
„ვისაც ჩვენი არ ესმის, ჩვენი მტერი არ არის. ისინი ჩვენი სამშობლოს მოქალაქეები არიან, ისევე როგორც ჩვენ. უფალი ელოდება, როდის შეიგნებენ და დაბრუნდებიან ისინი,“ - დაამატა მიტროპოლიტმა.
მისი სიტყვებით, ეკლესია ყოველი ადამიანის სულს იფარავს, „მაგრამ პირველ რიგში ჩვენ უნდა დავიცვათ ის ხალხი, რომლებიც ჩვენი ეკლესიის წევრები არიან“.
სახარება და ეკლესიის ცხოვრების გამოცდილება გვიჩვენებს, რომ მხოლოდ სიყვარულს შეუძლია ადამიანის კარდინალურად შეცვლა. არავითარ გარე ძალებს, რითაც არ უნდა იყვნენ ისინი განპირობებულები, არ შეუძლიათ გახადონ ადამიანი მოწყალე, მომთმენი და მოსიყვარულე. მხოლოდ მაშინ, როდესაც ადამიანი შეიგრძნობს ღვთიურ სიყვარულს, ძირითადად ხალხის მიერ გამოხატულს, ის ხდება მორწმუნე“, - ხაზი გაუსვა მან.
გარდა ამისა, მიტროპოლიტ ანტონის სიტყვებით, ისტორიამ ცხადყო, რომ დროებითი დამარცხებები ყოველთვის დიდი გამარჯვების საწინდარია: „გავიხსენოთ საზოგადოების მდგომარეობა ოქტომბრის 1917 წლის გადატრიალების შემდეგ. მაშინ სათავეში ხომ ხალხის მცირე ჯგუფი მოვიდა და ისე ჩანდა, რომ, თუ უმრავლესობა გაერთიანდებოდა, ამ ყველაფერს დაანგრევდა. მაგრამ ღვთის განგებით ეკლესიას სხვა ხვედრი ერგო. მართალია, ეს იყო უბედურების, სიკვდილის, ღალატისა და დაჭერების საშინელი პერიოდი. მაგრამ შედეგად სწორედ ეს გახდა საწინდარი, მარცვალი ქრისტეს ეკლესიის ჭეშმარიტი აღორძინებისა“.
ეკლესია ძლიერია არა მაშინ, როდესაც ყველაფერი ანათებს, ბრწყინავს ოქროში და ჩვენ ტელეეკრანებზე ვჩანვართ. ეკლესია ძლიერია, როდესაც ჩვენ ვიღწვით სულის ცხონებისთვის, შინაგან ბრძოლას ვაწარმოებთ საკუთარ თავთან. მხოლოდ მაშინ მკვიდრდება ჩვენში სული ღვთისა და ჩვენ ჭეშმარიტად ვხდებით ტაძარი უფლისა, რომლის დანგრევა არ ძალუძს არავის. არავის არ ძალუძს მისი წართმევა. წმინდა მოციქული პავლე წერს: „...ვერც სიმაღლე, ვერც სიღრმე და ვერც რაიმე სხვა ქმნილება ვერ განგვაშორებს ღვთის სიყვარულს ჩვენს უფალ ქრისტე იესოში (რომ. 8:39). სწორედ ამ ყველაფერს უნდა მივაღწიოთ, ეს უნდა გვსურდეს და ყველაფერი გავაკეთოთ იმისთვის, რომ ჩვენი სულის ტაძარი იყოს წმინდა, ღვთის სულის მადლით სავსე“ - დაასრულა ბორისპოლის და ბროვარის მიტროპოლიტმა ანტონმა.
შეგახსენებთ, რომ მანამდე უკრაინის მართლმადიდებელი ეკლესიის საქმეთა მმართველმა კომენტარი გააკეთა ფანარის მეთაურის მომავალი ვიზიტის შესახებ უკრაინაში.
