პაპი არწმუნებდა უნიატებს, რომ ომში ის „უკრაინელი ხალხის“ გვერდით არის
პონტიფიკოსმა განმარტა თავისი პოზიცია „დიდ რუსეთთან“ დაკავშირებით და განაცხადა, რომ ომში ის „უკრაინელი ხალხის“ გვერდით დგას.
რომის პაპმა ფრანცისკემ ვატიკანში გამართა შეხვედრა უბკე-ის ეპისკოპოსებთან, სადაც ის უნიატებს მათთან სოლიდარობაში და ლოცვით კავშირში არწმუნებდა, მან აგრეთვე განაცხადა, რომ ომში ის „უკრაინელი ხალხის“ გვერდით დგას. ამის შესახებ უბკე-ის პრეს-სამსახური იუწყება. უკრაინის სოლიდარობასთან დაკავშირებით თავისი სიტყვების დადასტურების მიზნით, პაპმა შეხვედრაზე მოიტანა ღვთისმშობლის ხატი, რომელიც თავის დროზე მას უბკე-ის მეთაურმა სვიატოსლავ შევჩუკმა აჩუქა.
პაპი ყვებოდა, რომ ამ ხატის წინ ის ყოველდღე ლოცულობს უკრაინისთვის და მას უკრაინელ ხალხთან სიახლოვის განსაკუთრებულ ჟესტად და სიმბოლოდ მიიჩნევს.
თავის მხრივ, უბკე-ის წარმომადგენლებმა მადლობა გადაუხადეს პონტიფიკოსს მისი მცდელობისთვის, რომ მხარი დაუჭიროს უკრაინას საერთაშორისო დონეზე. კერძოდ, ეპისკოპოსებმა აღნიშნეს კარდინალ მათეო ძუპის მისიის მნიშვნელობა, რომელიც ჩავიდა კიევსა და მოსკოვში უკრაინაში ომის შეწყვეტის ვატიკანის გეგმის რეალიზების მიზნით.
როგორც მჟკ იუწყებოდა, პაპმა ფრანცისკემ რუსეთს დიდი კულტურისა და ადამიანობის ქვეყანა უწოდა.
