პროკურატურა ლავრის გამგებლის წინასწარი დაკავების იზოლატორში გადაყვანას ითხოვს
გენერალური პროკურატურა ამტკიცებს, რომ მიტროპოლიტი პავლე თავისი განცხადებებით „ნაციონალურ, რეგიონულ და რელიგიურ სიძულვილს აღძრავს“.
გენერალური პროკურატურა კიევ-პეჩერის ლავრის ნაცვალის, მიტროპოლიტი პავლეს, სადღეღამისო შინაპატიმრობიდან პატიმრობაში გადაყვანას ითხოვს. ამის შესახებ გენერალური პროკურატურის ტელეგრამ-არხზეა ნათქვამი.
აღნიშნულია, რომ ეპისკოპოს პავლეს ბრალად ედება „რელიგიური სიძულვილის გაღვივება“ და „რუსეთის ფედერაციის ქმედებების გამართლება“.
გენერალური პროკურატურის ოფისი ასევე იტყობინება, რომ გამოძიების თანახმად, მეუფემ, მორწმუნეებთან სატელეფონო საუბრებში, თავისი განცხადებებით "წაახალისა ნაციონალური, რეგიონალური და რელიგიური სიძულვილი" და გამოსვლებში "არაერთხელ შეურაცხყო უკრაინელების რელიგიური გრძნობები, დაამცირა სხვა სარწმუნოების მორწმუნეთა შეხედულებები და ცდილობდა მათში მტრული განწყობების ჩამოყალიბებას’’.
ასევე, გენერალური პროკურატურა ამტკიცებს, რომ სისხლის სამართლის პროცესის ფარგლებში დადგინდა სისხლის სამართლის პროცესში მიტროპოლიტის მოწმესთან ურთიერთობის ფაქტები, მიუხედავად სასამართლოს გადაწყვეტილებაში ამის შესაბამისი აკრძალვისა.
„კიევის სოლომენსკის რაიონულ სასამართლოში შუამდგომლობა გაიგზავნა სასულიერო პირისთვის აღკვეთის ღონისძიების სადღეღამისო შინაპატიმრობიდან პატიმრობით შეცვლაზე“, - ნათქვამია გენერალური პროკურატურის განცხადებაში.
მანამდე მჟკ-მ დაწერა, რომ SBU-მ ახალი ბრალდებები წაუყენა მიტროპოლიტ პავლეს.
