ზელენსკის უმე-ს მღვდლის დაღუპული შვილისთვის გმირის წოდების მინიჭებას თხოვენ
პოლესკის და სარნენსკის მიტროპოლიტმა ანატოლიმ ყველას მოუწოდა, რომ მხარი დაუჭირონ პეტიციას ალექსანდრე პროკოპჩუკისთვის სიკვდილის შემდეგ უკრაინის გმირის წოდების მინიჭების შესახებ.
პრეზიდენტის საიტზე გამოქვეყნებულია პეტიცია იმის შესახებ, რომ სიკვდილის შემდეგ უკრაინის გმირის წოდება მიენიჭოს უშძ-ის ლეიტანტს, სამხედრო ექიმს ალექსანდრე პროკოპჩუკს - უმე-ს სარნენსკის ეპარქიის კლირიკოსის, როვენის ოლქის სოფელ ბერეჟიცის ყოვლადწმინდა ღვთისმშობლის შობის ეკლესიის წინამძღვრის, დეკანოზ ნიკოლოზ პროკოპჩუკის შვილს.
პეტიცია გამოაქვეყნა დაღუპულის უმცროსმა ძმამ ნიკოლაიმ. ის ყვებოდა, რომ ალექსანდრე დაიბადა 1996 წ., სკოლის შემდეგ დაამთავრა სამედიცინო უნივერსიტეტი და სამხედრო-სამედიცინო აკადემია. სრულმაშტაბიანი ომის დაწყებიდან მსახურობდა 128-ე სამთო-საშტურმო ბრიგადის სამედიცინო როტაში. გადარჩენილი ჰყავს დაჭრილები ირპენში და ბუჩში, შემდეგ ზაპოროჟიეს, ხერსონის და დონეცკის ოლქებში.
2023 წ. 11 თებერვალს ბახმუტში ალექსანდრეს ბრძოლის ველიდან მძიმედ დაჭრილი მეომრები გამოჰყავდა და დახმარებას უწევდა მათ. სამედიცინო სამსახურის ავტომობილს მოხვდა ტანკსაწინააღმდეგო მმართვადი რაკეტა, ვერავინ ვერ გადარჩა.
ნიკოლაი აღნიშნავს, რომ მისმა ძმამ ასობით სიცოცხლე გადაარჩინა და ყოველი მებრძოლის გადარჩენა მას გულწრფელად უხაროდა.
„ალექსანდრეს ძმადნაფიცები ხაზს უსვამენ, რომ ის ოფიცერის ნამდვილი მაგალითი იყო, საოცრად ადამიანური, ყურადღებიანი, მოსიყვარულე შვილი და მეუღლე, ნამდვილი მეგობარი და თავისი ქვეყნის ერთგული პატრიოტი, - ნათქვამია პეტიციაში. - ის რწმენით და სიმართლით ემსახურებოდა უკრაინის ხალხს. დაჭრილი ძმებისთვის სულს და ხორცს არ იშურებდა. იბრძოდა და უნდოდა ეცხოვრა თავისუფალ, დამოუკიდებელ, დემოკრატიულ უკრაინაში. ალექსანდრემ ღირსეულად მოიხადა ვალი თავისი სახელმწიფოს დაცვაში და ბოლო ამოსუნთქვამდე ერთგული იყო ფიცის, უკრაინელი ხალხისა და უკრაინის“.
პეტიციის ავტორმა მიმართა პრეზიდენტს თხოვნით მიენიჭოს ალექსანდრეს უკრაინის გმირის წოდება და დააჯილდოვოს მისი მშობლები „ოქროს ვარსკვლავის“ ორდენით ნამდვილი პატრიოტის აღზრდის გამო.
როგორც უკრაინის მართლმადიდებელი ეკლესიის სარნენსკის ეპარქიის პრეს-სამსახური იუწყება, პოლესკის და სარნენსკის მიტროპოლიტმა ანატოლიმ ყველას მოუწოდა, რომ მხარი დაუჭირონ პეტიციას.
ხელმოწერების შეგროვების დასრულებამდე დარჩა 69 დღე, ინიციატივამ უკვე 11 ათასი ხმა შეაგროვა.
მანამდე მჟკ წერდა, რომ ალექსანდრე პროკოპჩუკი დაკრძალეს სოფელ ბერეჟნიცის უმე-ს ტაძრის საკურთხევლის მხარის უკან.
