არა მხოლოდ რწმენა, არამედ უმე-ის მორწმუნეების სიცოცხლეც საფრთხის ქვეშაა, - ბულგარელი იერარქი
ბულგარეთის ეკლესიის იერარქმა განაცხადა, რომ უმე-ის მორწმუნეებს დაცვა სჭირდებათ და ეს ღიად უნდა იყოს განხილული.
ბულგარეთის მართლმადიდებლური ეკლესიის იერარქი, ვიდინელი მიტროპოლიტი დანიელი თავის ვიდეომიმართვაში შეეხო უმე-ის დევნის საკითხს და აღნიშნა, რომ არა მხოლოდ რწმენა, არამედ უმე-ის მორწმუნეების ცხოვრებაც, რომლებსაც არ სურთ მეუ-ში ყოფნა, საფრთხე ემუქრება, იუწყება romfea.gr.
„უმე-მ დაამტკიცა, რომ ის არის ამ ერის დედა, რომელიც ზრუნავს შვილებზე. ამავე დროს, ხელისუფლება და ხალხის უმეტესობა, რომელსაც აქვს ძლიერი ნაციონალისტური ცნობიერება, ვერ იტანს მართლმადიდებლურ სარწმუნოების აღმსარებელ თანამემამულეებს“, - აღნიშნა იერარქმა.
ეპისკოპოსმა დანიელმა აღნიშნა, რომ მზადდება კანონები, რომლის მიხედვითაც უკრაინელები მართლმადიდებლური სარწმუნოების აღიარებას ვერ შეძლებენ.
„რატომ? იმიტომ, რომ არსებობს რამდენიმე წლის წინ კონსტანტინოპოლის საპატრიარქოს მნიშვნელოვანი როლით შექმნილი „საეკლესიო“ სტრუქტურა, რომელსაც არცთუ უსაფუძვლოდ არ აღიარებს მართლმადიდებელი ეკლესიების უმრავლესობა. მას ბევრი პრობლემა აქვს იერარქიასთან, რომელიც შედგება მღვდლად და ეპისკოპოსად გამოცხადებული არახელდასხმული პირებისგან. ამას თავად უკრაინელები ხედავენ და დევნას რამდენიმე წელი იტანენ. ახლა კი ხედავენ, ვინც ძალით იტაცებს უმე-ის ტაძრებს, წვავენ, ანადგურებენ და შემდეგ ლოცულობენ მეუ-სთვის მიტაცებულ ტაძრებში. ეს მჭევრმეტყველურად ამბობს იმას, როგორია მათი რწმენა, როგორია მათი შეხედულებები, ამიტომ მრევლს არ სურს მათთან გაერთიანება - ხალხი ხედავს, რომ აქ საკითხი რწმენაზე კი არა, მკვეთრად გამოხატულ ნაციონალიზმს ეხება. ეს არ არის მართლმადიდებლური რწმენა, ხოლო „უკრაინა ყველაფერზე მაღლა დგას!“ - დასძინა მან.
ბულგარელმა იერარქმა აღნიშნა, რომ ეს მკვეთრი ნაციონალიზმი გამოხატავს შეუწყნარებლობას იმ ადამიანების მიმართ, რომლებიც თავს უკრაინელებად თვლიან.
„2014 წლის პირველი გადატრიალების შემდეგ, პრეზიდენტმა პეტრო პოროშენკომ მოიფიქრა „ეკლესიის“ სტრუქტურის „მეუ-ს“ შექმნა, რომელიც შეიქმნა კონსტანტინოპოლის საპატრიარქოს მიერ, მოგვიანებით კი „ტომოსი“ მიიღო. პოროშენკოს მმართველობის ბოლოს მოიფიქრეს და განიხილეს კანონი უმე-ის აკრძალვის შესახებ. მაშინაც კი, ამან საფუძველი მისცა ნაციონალისტურ მოაზროვნე ადამიანებს ეკლესიების ძალით ხელში ჩაგდების და მეუ-ზე მიმაგრებისა“, - განაგრძო მან.
„ამას ვერც ერთი ერი ვერ მიიღებს, მაგრამ უკრაინაში ეს ხდება. ჩვენ ვხედავთ, რომ არა მხოლოდ რწმენას ემუქრება საფრთხე, არამედ იმ ადამიანების ფიზიკურ არსებობასაც, რომლებსაც არ სურთ მეუ-ში ყოფნა. მაშინ დავუსვათ საკუთარ თავს კითხვა: სჭირდებათ თუ არა ამ ადამიანებს დაცვა? რატომ არავინ საუბრობს იმაზე, რაც ხდება? რატომ დაგმეს ისინი, ვინც ნაცისტურ გერმანიასთან თანამშრომლობდა და საზოგადოებისთვის მიუღებელი გახდნენ, მაშინ როცა უკრაინაში არა მხოლოდ ნებადართულია, არამედ იწონებენ კიდეც ასეთ საქციელს? ეს აშკარად საუბრობს პოლიტიკოსების ორგულობასა და თვალთმაქცობაზე, რომლებიც თვალს ხუჭავენ იმაზე, რაც ხდება“, - დაასკვნა მან.
როგორც მჟკ მანამდე წერდა, ბულგარეთში მორწმუნეები ლოცულობენ უკრაინის დევნილი ეკლესიისთვის.
