უნეტარესმა მოუწოდა ყველას, დაეხმარონ კახოვკის კაშხლის ჩამონგრევის შედეგად დაზარალებულებს

2023 წლის 11 ივნისს, კიევ-პეჩორის ლავრაში ქადაგების დროს, მისმა უნეტარესმა მიტროპოლიტმა ონუფრიმ სამწყსოს მოუწოდა, ილოცონ და დაეხმარონ ყველას, ვინც დაზარალდა კახოვკას ჰიდროელექტროსადგურზე კაშხლის გარღვევით, იუწყება news.church.ua.

უწმინდესმა აღნიშნა, რომ კაშხლის ჩამონგრევის შედეგად არიან დაღუპულები, ბევრი ადამიანი დაზარალდა, დარჩა უსახლკაროდ, არ აქვთ ტანსაცმელი, არც საკვები, არც სასმელი წყალი.

„ტრაგედიის მასშტაბები დიდია... მინდა თანაგრძნობა გამოვუცხადო იმ ადამიანებს, ვინც ამ ტრაგედიის შედეგად დაზარალდა, რომლებიც უსახლკაროდ დარჩნენ. დაღუპულებს უფალმა მიუტევოს ცოდვები და მართალთა სოფელში განისვენონ მათმა სულებმა. ხოლო ვინც ცოცხლები დარჩნენ, უფალმა დაიფაროს, დაეხმაროს და გააძლიეროს. ღვთის შეწევნით ყველაფერს გავუძლებთ“, - აღნიშნა წინამძღვარმა.

მისმა უნეტარესმა მოუწოდა ლოცვის გაძლიერებისკენ და ფინანსური დახმარებისკენ.

„კურთხევას ვაძლევ შემოწირულობების შეგროვებას ჩვენი ყველა ეპარქიიდან. ვისაც შეუძლია, შემოწიროს და ჩვენ გადავურიცხავთ ხალხს და მხარს დავუჭერთ მათ. კიდევ ერთხელ გთხოვთ, ილოცოთ დაღუპულთათვის“, - დასძინა მისმა უნეტარესმა.

როგორც მჟკ ადრე წერდა, უმე-ის წინამძღვარი ლავრაში ყველა წმინდანის კვირის წინა დღეს მსახურებას ხელმძღვანელობდა.