"დიდი დღე ქალაქისთვის": ბროდოვში ხელისუფლებამ გამოაცხადა უმე-ს ეკლესიის დახურვა

2023 წლის 24 აპრილს, ლვოვის რეგიონის ქ. ბროდოვის ხელისუფლებამ გამოაცხადა უმე-ს, კნიაზი ვლადიმირის სახელობის ეკლესიის დახურვის შესახებ, რომელიც ერთადერთია ქალაქში. ტაძარი კერძო მიწაზე 2008 წელს აშენდა. მიუხედავად ამისა, ხელისუფლებამ მიზანშეწონილად მიიჩნია მისი დახურვა და მსახურების შეწყვეტა. ხელისუფლების წარმომადგენლების მიმართვის ვიდეო ტელეკომპანია „ბროდოვის“ YouTube არხზეა განთავსებული.

”მაშ ასე, დიდი დღე დადგა ბროდოველებისთვის, ბროდოვისთვის. დღეს ჩვენ შევასრულეთ რაიონული საბჭოს, საკრებულოს გადაწყვეტილებები და დავლუქეთ ეკლესია ამ ეკლესიის მეუ-ს იურისდიქციაში გადასვლის დოკუმენტების მომზადების ფარგლებში“, - განაცხადა ზოლოჩივის რაიონის საკრებულოს ხელმძღვანელმა ორესტ კავეცკიმ.

ბროდოვის მერი ანატოლი ბელი ირწმუნება, რომ ეკლესიის აბატი დაეთანხმა ხელისუფლების გადაწყვეტილებას ეკლესიის დახურვის შესახებ და ხელი მოაწერა კიდეც, რომ იცნობდა ამ გადაწყვეტილებას. „დღეს მოსკოვის საპატრიარქოს ეკლესიამ მუშაობა შეწყვიტა. მსახურება აღარ ჩატარდება“, - თქვა ბელიმ.

"დიდება უკრაინას - დიდება გმირებს", - დაასრულეს სიტყვა ოფიციალურმა პირებმა.

მანამდე მჟკ წერდა, რომ ლვოვში ხელისუფლებამ დაანგრია უმე-ს, კნიაზი ვლადიმირის სახელობის ეკლესია.