კლიჩკომ კიეველებს აღდგომის ღამეს სახლში დარჩენისკენ მოუწოდა

კიევის მერმა ვიტალი კლიჩკომ მოუწოდა დედაქალაქის მოსახლეობას აღდგომის ღამეს სახლში დარჩნენ და უპირატესობა მიანიჭონ ღვთისმსახურების პირდაპირ ტრანსლირებას ეკლესიებიდან, იუწყება kyivcity.gov.ua.

„შეგახსენებთ, რომ აღდგომის დღესასწაულების აღნიშვნა წელს საომარი მდგომარეობის პირობებში მიმდინარეობს. დედაქალაქის მოსახლეობას ვთხოვ აღდგომის ღამეს სახლში დარჩეს და წირვას პირდაპირ ეთერში ადევნოს თვალი. დაიმახსოვრეთ კომენდანტის საათი 00:00 საათიდან 05:00 საათამდეა“, - განაცხადა კლიჩკომ.

მან აღნიშნა, რომ მერიამ მიმართა რელიგიური თემების ლიდერებს თხოვნით, შეზღუდონ მასობრივი რელიგიური მსახურებების ჩატარება და უზრუნველყონ რელიგიური სტრუქტურებიდან მაქსიმალურად ონლაინ მაუწყებლობა უკრაინულ ტელეარხებზე და ინტერნეტის საშუალებით.

„უკრაინა აგრძელებს ცხოვრებას საომარ მდგომარეობაში, ამიტომ ჩვენ უნდა ვიყოთ შეგნებული მოქალაქეები და ვიმოქმედოთ სამხედროების რეკომენდაციების შესაბამისად, თავიდან ავიცილოთ ხალხის მასობრივი შეკრება. იმიტომ, რომ მტერი მზაკვრულია და შეუძლია დღესასწაულებზე პროვოკაციების ან დაბომბვის მოწყობა“, - დასძინა მერმა.

როგორც ადრე მჟკ იტყობინებოდა, კიევის ხელისუფლებამ მორწმუნეებს აღდგომის ღამეს ეკლესიებში დარჩენის უფლება მისცა.