კულტურის სამინისტრომ უარყო „საძმოს“ მებრძოლთა პანაშვიდის ლავრაში გადახდა

უკრაინის კულტურის სამინისტრომ უარი არ თქვა, მაგრამ არც გასცა ნებართვა ბრაიანსკის მახლობლად დაღუპულ "ძმებს" პანაშვიდი კიევ-პეჩერის ლავრის მიძინების ტაძარში გადაუხადონ. ამის შესახებ ინფორმაციას ფეისბუქზე სამინისტროს პრესსამსახური ავრცელებს.

„7 მარტს ღვთისმშობლის მიძინების ტაძარში დაღუპულთა პანაშვიდის გადახდაზე უარი არ უთქვამს. ინფორმაცია, რომელიც ახლა სოციალურ ქსელებში ვრცელდება, სიმართლეს არ შეესაბამება. <...> 6 მარტის 23:56 საათისთვის, კულტურის სამინისტროს  მიმართ არანაირი მიმართვა არ ყოფილა მეუ-დან ან რომელიმე სხვა რელიგიური თემიდან. აქედან გამომდინარე, კულტურის სამინისტროს არც უარყვია და არც თანხმობა უთქვამს რამეზე“, - აცხადებენ დეპარტამენტში.

ამავდროულად, საძმოს ხელმძღვანელმა დიმიტრი კორჩინსკიმ თავის ფეისბუქზე განაცხადა, რომ მეუ-ს ხელმძღვანელმა ეპიფანე დუმენკომ პირადად მიმართა ტკაჩენკოს მიძინების ტაძრის გახსნის თხოვნით.

ამავდროულად, კორჩინსკიმ განმარტა, თუ რატომ უნდა გადაუხადონ პანაშვიდი დაღუპულ დივერსანტებს ლავრაში: ”სრულმასშტაბიან შემოჭრამდეც კი, ბიჭები მონაწილეობდნენ ათობით საჯარო აქციაში უმე ფსბ-სგან ლავრის განთავისუფლებისთვის. ამიტომაც პანაშვიდი უნდა გადაუხადონ ლავრაში“.

კორჩინსკი უარყოფს კულტურის სამინისტროს არგუმენტებს, რომ ეკლესიები იხსნება მხოლოდ რელიგიური ორგანიზაციების მოთხოვნით: „ ცოტა ხნის წინ, სატრაპეზო ეკლესიაში გაიმართა ,,კაზაკი ხორის’’ კონცერტი, რომელიც ცნობილი მუსიკალური ჯგუფია, მაგრამ არ წარმოადგენს რელიგიურ საზოგადოებას. ხოლო სამხედროებისთვის პანაშვიდის გადახდაზე უარი თქვით, რომლის მიზეზი მხოლოდ ერთია - თქვენთვის და თქვენი მინისტრისთვის სულერთია დაღუპული გმირები.

როგორც მჟკ იტყობინება, დიმიტრი კორჩინსკიმ განაცხადა, რომ ლავრას მიძინების ტაძარი გაიხსნება ბრაიანსკთან დაღუპული ჯარისკაცების დაკრძალვის დღეს.