კვიპროსის ეკლესიის წინამძღვრად პაფოსის მიტროპოლიტი გიორგი აირჩიეს

2022 წლის 24 დეკემბერს კვიპროსის მართლმადიდებელი ეკლესიის წმიდა სინოდმა აირჩია ახალი წინამძღვარი, პაფოსის მიტროპოლიტი გიორგი, იტყობინება ვებგვერდი Romfea .

გამოცემა Romfeya წერს, რომ არსებული ინფორმაციით, პაფოსის მიტროპოლიტმა გიორგიმ 11 ხმა მიიღო, ლიმასოლის მიტროპოლიტმა ათანასემ - 4, ხოლო ერთი ბიულეტენი ცარიელი იყო.

მიტროპოლიტი გიორგი დაიბადა 1949 წლის 25 მაისს, ბრიტანეთის მიერ ოკუპირებულ კვიპროსში, სოფელ ათიენში.

1967 წელს დაამთავრა გიმნაზია და ჩაირიცხა ათენის უნივერსიტეტის ქიმიის ფაკულტეტზე, რომელიც დაამთავრა 1972 წელს. შემდეგ ჩაირიცხა ათენის სასულიერო სასწავლებელში, რომელიც დაამთავრა 1980 წელს.

მან გაიარა ასპირანტურა ინგლისში ქიმიასა და თეოლოგიაში. დიაკვნად აკურთხეს 1984 წლის 23 დეკემბერს სალამინის ეპისკოპოსმა ბარნაბამ, ხოლო 1985 წლის 17 მარტს მღვდლად კვიპროსის მთავარეპისკოპოსმა ოქროპირმა.

1985-1996 წლებში იყო ქიმიის პროფესორი, ხოლო 1994 წელს დაინიშნა წმინდა სინოდის მდივნად.

1996 წლის 26 მაისს ხელდასხმულ იქნა  ტიტულოვან ეპისკოპოს არსინოეს მიერ, პაფოსის მიტროპოლიის ვიკარ ეპისკოპოსად. 2006 წლის 29 დეკემბერს აირჩიეს პაფოსის მიტროპოლიტად.

მიტროპოლიტი გიორგი წარმოადგენდა კვიპროსის ეკლესიას საერთო მართლმადიდებლურ კონფერენციებზე და რომის კათოლიკურ ეკლესიასთან, ლუთერანულ და რეფორმირებულ კონფესიებთან დიალოგში.

2013 წლის ივლისში, კვიპროსის ეკლესიის დელეგაციის შემადგენლობაში, მიტროპოლიტმა გიორგიმ მონაწილეობა მიიღო რუსეთის ნათლობის 1025 წლისთავისადმი მიძღვნილ დღესასწაულებში.

23 ივლისს მოსკოვის პატრიარქმა კირილმა ის მოსკოვის წმინდა ალექსის მეორე ხარისხის ორდენით დააჯილდოვა.

მანამდე მჟკ წერდა, ფანარიონის ხელმძღვანელი ირწმუნება, რომ კვიპროსში  წინამძღვრის არჩევაში არ ჩარეულა.