კიევ-პეჩორის ლავრაში კომენტარი გააკეთეს ტაძარში რუსეთზე სიმღერის შესრულებაზე
კიევ-პეჩორის ლავრაში კომენტარი გააკეთეს მრევლთან დაკავშირებით, რომლებიც მღეროდნენ სიმღერას რუსეთზე, მონასტრის ერთ-ერთ ტაძარში და განაცხადეს, რომ უახლოეს მომავალში სულიერი პირები შეიკრიბებიან და განსაზღვრავენ ბერის - იერომონაზონ ზაქარიას ბედს, რომელმაც გალობა დაუშვა.
ლავრის წინამძღვარმა, მიტროპოლიტმა პაველმა განაცხადა, რომ მღვდელს უკვე აეკრძალა საღმრთო ლიტურგიის აღსრულება.
„დარწმუნებული ვარ, თავად მამა ზაქარიას არ უმღერია ეს სიმღერები. ჩვენ არ ვმღერით საერო სიმღერებს ტაძარში, ტაძარში მხოლოდ წმინდანთა ქებას გალობენ და არა ვიღაცეების. <...> ეკლესიებში უნდა ვილოცოთ ერთი რამისთვის - მშვიდობისთვის, ომის სწრაფად დასრულებისთვის“, - განაცხადა უმე-ის იერარქმა.
არქიმანდრიტმა პოლიკარპმა (ლინენკომ), განმარტა, რომ ეს მოხდა ღვთისმშობლის ხატთან- "ვსეცარიცას" წინ ლოცვის დროს, რომელსაც ყოველთვის უამრავი ხალხი ესწრება.
„ამ ლოცვას ყოველთვის ერთი მღვდელი აღავლენს, შეკრებილი ხალხი გალობს. ლოცვის შემდეგ მღვდელი წმინდა ზეთისცხებას ასრულებს და რადგანაც ბევრი ხალხია, მრევლის ნაწილი გალობს სხვადასხვა სულიერ საგალობლებს“, - ამბობს მამა პოლიკარპე.
არქიმანდრიტმა დასძინა, რომ იერომონაზონი ზაქარია, რომელიც ლოცვას ასრულებდა, დაკავებული იყო: მან შეასრულა ზეთისცხება, ესაუბრებოდა მრევლს და უბრალოდ არ გაუგია, რას მღეროდნენ ისინი "ისმის ზარები, ზარები რუსეთის თავზე".
„ლავრას იერარქიის უმაღლეს დონეზე, ამ მღვდელს შეუჩერეს საღვთო მსახურება, უახლოეს მომავალში შეიკრიბება ლავრის სასულიერო საბჭო, რომელიც გააანალიზებს ამ მდგომარეობას და გადაწყვეტს, ვის რა სასჯელი უნდა მიესაჯოს, თქვა პოლიკარპემ.
მანამდე მჟკ-მ გაავრცელა ინფორმაცია, რომ SBU-მ დაიწყო ვიდეოს შემოწმება კიევ-პეჩორის ლავრიდან, რომელიც სოციალურ ქსელებში გამოქვეყნების შემდეგ ბევრმა მომხმარებელმა ყალბად მიიჩნია.
