პატრიარქი სახელმწიფო ინტერესებზე მაღლა უნდა იდგეს, - რმე სასულიერო პირი

დეკანოზმა ოლეგ სტენიაევმა, რუსმა მისიონერმა, პუბლიცისტმა და თეოლოგმა განაცხადა, რომ პატრიარქი ეროვნულ და სახელმწიფო ინტერესებზე მაღლა უნდა იდგეს. ამის შესახებ მღვდელმა სრეტენსკის მონასტრის გამომცემლობასთან ინტერვიუს დროს განაცხადა, სადაც კომენტარი გააკეთა რუსეთის ფედერაციის უკრაინაში შეჭრაზე.

მღვდლის თქმით, უკრაინულ სამწყსოზე უკრაინის ეკლესიის წინამძღვარმა უნდა იზრუნოს, რუსულზე კი რუსეთის ეკლესიის წინამძღვარმა.

„სხვა სიტუაციაა, როცა საქმე პატრიარქს ეხება. პატრიარქი ეროვნულ და სახელმწიფო ინტერესებზე მაღლა უნდა იდგეს. იმიტომ, რომ პატრიარქი არის ყველას, ვინც მის ომოფორის ქვეშ იმყოფება“.

ასევე, რუსეთის მართლმადიდებლური ეკლესიის სასულიერო პირმა აღნიშნა, რომ უკრაინელებისა და რუსების ერთ ხალხად წოდება მთლად სწორი არ არის.

„ბიბლია ამბობს, რომ ღმერთმა დააწესა შეზღუდვა ყველა ხალხისთვის საცხოვრებლად და არ არის აუცილებელი იმის თქმა, რომ ჩვენ ერთი ხალხი ვართ. თუ ჩვენ ორი განსხვავებული ქვეყანა ვართ, მაშინ ეს ერთი ხალხი აღარ არის. ქვეყანა ყველას აკისრებს მოქალაქეობას და მან უნდა ახსოვდეს თავისი ქვეყანა, როგორც გარკვეული პასუხისმგებლობის საზღვარი, რომელიც ღვთის ხელით არის გამოკვეთილი. შემოქმედის ნებით ვიბადებით ამ ერში, ამ ქვეყანაში, ამ ოჯახში“, - განაცხადა მამა ოლეგ სტენიაევმა.

მანამდე მჟკ-მ განაცხადა, რომ უკრაინის მართმადიდებლური ეკლესიის საგარეო საეკლესიო განყოფილების ხელმძღვანელის თქმით, ისტორიას ახსოვს ომის დასრულების შემდეგ ხალხთა შერიგების შემთხვევები.